Маркази инноватсионии Помир сокинонро бо кори доимӣ таъмин менамояд
ДУШАНБЕ, 12.01.2021 /АМИТ «Ховар»/. Ташкилоти ҷамъиятии Маркази инноватсионии Помир ояндаи наздик нақша дорад, ки шумораи коргаронро беш аз 200 нафар ва аз ин ҳам зиёдтар намояд, ки ин ба коҳиш додани сатҳи бекорӣ дар вилоят мусоидат менамояд. Ин матлаб зимни як ҳамоиш дар ҳузури раиси Вилояти Мухтори Кӯҳистони Бадахшон Ёдгор Файзов ва иҷрокунандаи раиси шаҳри Хоруғ Алишер Мирзонабот мавриди таҳлилу баррасӣ қарор дода шуд.
Дар ин бора аз мақомоти иҷроияи ҳокимияти давлатии Вилояти Мухтори Кӯҳистони Бадахшон ба АМИТ «Ховар» хабар доданд.
Зикр шуд, ки Ташкилоти ҷамъиятии Маркази инноватсионии Помир баҳри таъмини ҷавонони шаҳри Хоруғ бо ҷойи кори доимӣ 3 сол инҷониб фаъолияти муназзам дорад.
Роҳбарони марказ оид ба фаъолияти кории соҳа маълумот манзур намуда, иброз доштанд, ки ташкилоти мазкур аз соли 2017 ба таври расмӣ дар шаҳри Хоруғ фаъолият дошта, дар ин муддат тавонист 70 нафар кормандонро бо кори доимӣ таъмин намояд. Фаъолияти марказ ба таври онлайн ба роҳ монда шуда, хизматрасонӣ дар шакли муҳосибот бо дигар давлатҳо сурат мегирад.
Раиси ВМКБ Ёдгор Файзов зикр кард, ки таъмини ҷавонон бо ҷойи кори доимӣ яке аз мушкилоти асосии ҷомеаи имрӯза ба ҳисоб меравад. Фаъолияти чунин ташкилот саривақтӣ буда, сабаби ба кор ҷалб намудани ҷавонони бекор дониста мешавад.
Роҳбари марказ Валӣ Хонҷонов гуфт, ки ташкили бинои замонавӣ ва пурра таъмин намудани кормандон бо интернети доимӣ метавонад ба фаъолияти кории кормандони ташкилот таъсири мусбат расонад.
Раиси вилоят иброз дошт, ки кормандони ташкилот имкон доранд бештар бо ширкатҳо ва идораҳои дахлдор ҳамкориро вусъат бахшида, ба ин восита фаъолияти худро боз ҳам мустаҳкам гардонанд.
Иҷрокунандаи вазифаи раиси шаҳри Хоруғ Алишер Мирзонабот зикр намуд, ки мақомоти иҷроияи ҳокимияти давлатии шаҳр баҳри дастгирии ҷавонон ва бартарафсозии мушкилоти Марказ тадбирҳои зарурӣ меандешад.
Масъулини ташкилот аз дастгирии Ҳукумати мамлакат изҳори сипос намуданд.
Раиси ВМКБ Ёдгор Файзов бо фаъолияти кормандон аз наздик шинос шуда, аз утоқи кории бинои марказ дидан намуд. Гуфта шуд, ки масъалаи таъмини кормандон бо бинои замонавӣ ояндаи наздик ҳалли мусбати худро пайдо намуда, ҷавонон метавонанд фаъолияташонро самаранок идома диҳанд.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
