Рақибони дастаҳои футболи Тоҷикистон дар мусобиқоти Осиё рӯзи 27 январ муайян мегарданд
ДУШАНБЕ, 17.01.2021 /АМИТ «Ховар»/. Қуръакашии Лигаи қаҳрамонҳои КФО-2021 ва Ҷоми КФО-2021, ки дар он дастаҳои Тоҷикистон – «Истиқлол», «Равшан» ва «Хуҷанд» ширкат мекунанд, рӯзи 27 январ баргузор мегардад. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.
Қаҳрамони Тоҷикистон оид ба футбол дастаи «Истиқлол»-и Душанбе имсол дар марҳилаи гурӯҳии Лигаи қаҳрамонҳои Конфедератсияи футболи Осиё (КФО) бори аввал ҳунарнамоӣ мекунад. Даври гурӯҳии мусобиқаи асосии клубии Осиё дар минтақаи Ғарб аз 14 то 30 апрел ва дар Шарқ — аз 21 апрел то 7 май дар шакли мутамарказ баргузор мешавад.
Барандаи Ҷоми Тоҷикистон оид ба футбол «Равшан» -и Кӯлоб ва барандаи медали нуқраи чемпионати кишвар «Хуҷанд» дар Ҷоми КФО-2021 ширкат меварзанд.
Бозиҳои даври муқаддимотии Ҷоми КФО-2021 дар минтақаи Марказӣ рӯзҳои 6-7 апрел баргузор гардида, даври плей-офф 20-21 апрел таъин шудааст.
Марҳилаи гурӯҳии Ҷоми КФО дар Осиёи Марказӣ имсол дар шакли мутамарказ аз 14 то 20 май баргузор мешавад. Бозиҳо дар шакли даври ва як давр баргузор мешаванд.
АКС аз ФФТ
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
