Расмиёти тасвиби асноди вобаста ба додани мақоми нозир ва шарики СААД анҷом ёфт

Январь 21, 2021 13:03

ДУШАНБЕ, 21.01.2021 /АМИТ «Ховар»/. Расмиёти аз тарафи ҳамаи кишварҳои узви СААД тасвиб намудани чор Протокол дар бораи ворид намудани тағйирот ба Аҳдномаи амнияти дастаҷамъӣ, Оинномаи СААД ва Созишнома дар бораи мақоми ҳуқуқии Созмони Аҳдномаи Амнияти Дастаҷамъӣ ба анҷом расид, хабар медиҳад АМИТ «Ховар» бо истинод ба хадамоти матбуоти СААД.

Сухан дар мавриди протоколҳои зерин меравад:

— Протоколи дуюм оид ба ворид намудани тағйирот ба Шартномаи амнияти дастаҷамъӣ аз 15 майи соли 1992;

— Протоколи дуюм дар бораи ворид намудани тағйирот ба Созишнома дар бораи мақоми ҳуқуқии Созмони Аҳдномаи Амнияти Дастаҷамъӣ аз 7 октябри соли 2002;

— Протоколҳои дуюм ва сеюм дар бораи ворид намудани тағйирот ба Оинномаи СААД.

Асноди мазкур 8 ноябри соли 2018 дар Остона (ҳоло — Нур-Султон) имзо шуда буданд, аз ҷумла, дар онҳо тағйироти меъёрӣ ва ҳуқуқӣ дар мавриди ҳайати Шӯрои амнияти дастаҷамъӣ ва мақоми ҳуқуқии муовинони дабири кулли СААД пешбинӣ шудаанд.

Бо мақсади рушди минбаъдаи ҳамкорӣ бо давлатҳое, ки узви Созмон ва созмонҳои байналмилалӣ намебошанд, Протоколи сеюм дар бораи ворид намудани тағйирот ба Оинномаи Созмони Аҳдномаи Амнияти Дастаҷамъӣ заминаи ҳуқуқии додани мақоми нозирро дар назди СААД ва шарики Созмон муқаррар мекунад.

Протоколҳои мазкур 19 январи соли 2021 эътибори расмӣ пайдо карданд.

Ёдовар мешавем, ки Аҳдномаи амнияти дастаҷамъиро 15 майи соли 1992 сарони шаш кишвари узви ИДМ — Арманистон, Қазоқистон, Қирғизистон, Россия, Тоҷикистон, Ӯзбекистон имзо намуда буданд. Моҳи сентябри соли 1993 Озарбойҷон, моҳи декабри ҳамон сол — Гурҷистон ва Беларус ба он ҳамроҳ шуданд. Аҳднома 20 апрели соли 1994 эътибори расмӣ пайдо кард.

Моҳи апрели соли 1999 Протоколи тамдиди Паймони Амнияти Дастаҷамъиро шаш кишвар (ба истиснои Озарбойҷон, Гурҷистон ва Ӯзбекистон) имзо карданд.

14 майи соли 2002 Созмони Аҳдномаи Амнияти Дастаҷамъӣ (СААД) таъсис ёфт, ки Арманистон, Беларус, Қазоқистон, Қирғизистон, Россия ва Тоҷикистонро муттаҳид мекунад. Моҳи июни соли 2006 «Дар бораи барқарор кардани узвияти Ҷумҳурии Ӯзбекистон дар СААД» қарор қабул карда шуд, аммо моҳи декабри соли 2012 узвияти ин кишвар боздошта шуд. Дар ҳоли ҳозир, дар СААД шаш давлат — Арманистон, Беларус, Қазоқистон, Қирғизистон, Россия ва Тоҷикистон шомил мебошанд.

7 октябри соли 2002 Оинномаи СААД қабул карда шуд. Тибқи он, ҳадафҳои асосии Созмон таҳкими сулҳ, амният ва суботи байналмилалӣ ва минтақавӣ, муҳофизати истиқлол, тамомияти арзӣ ва соҳибихтиёрии давлатҳои узв дар заминаи дастаҷамъӣ мебошанд ва давлатҳои аъзо барои ноил шудан ба ин мақсадҳо ба воситаҳои сиёсӣ афзалият медиҳанд.

Соли 2021 Ҷумҳурии Тоҷикистон дар СААД раёсат мекунад.

                                                              АКС: odkb-csto.org

Январь 21, 2021 13:03

Хабарҳои дигари ин бахш

Шараф Шерализода бо муовини котиби давлатии Котиботи давлатии Швейтсария оид ба молияи байналмилалӣ мулоқот намуд
Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд
Тоҷикистон ва Туркия муносибатҳои дуҷонибаро дар самтҳои сиёсӣ, иқтисодӣ ва сармоягузорӣ баррасӣ намуданд
Дар шаҳри Москва Наврӯзи байналмилалиро таҷлил намуданд
Ҷашни байналмилалии Наврӯзро дар Ашқобод бошукуҳ таҷлил намуданд
Дар Берлин ҷашни байналмилалии Наврӯзро таҷлил намуданд