СУТ дархостҳоро ҷиҳати сабт намудани 14 ваксинаи зидди COVID-19, аз ҷумла ду ваксинаи русӣ баррасӣ мекунад
ДУШАНБЕ, 22.01.2021 /АМИТ «Ховар»/. Созмони умумиҷаҳонии тандурустӣ (СУТ) дархостҳоро дар мавриди 14 ваксинаи зидди коронавирус, аз ҷумла ду доруи Россия — «Спутник V» ва «Эпиваккорона» ва шомил намудани онҳо ба рӯйхат барои истифодаи изтирорӣ баррасӣ мекунад, хабар медиҳад ТАСС бо истинод ба хадамоти матбуоти СУТ.
Ваксинаи «Спутник V» аз панҷ марҳилаи тасдиқ кардан се давраи онро гузаштааст. Ҳоло маълумоти иловагии ба СУТ пешниҳоднамудаи таҳиягарони ваксина баррасӣ мешавад ва 22 январ муҳокимаи мундариҷа ва шакли дархост ба нақша гирифта шудааст. Дар мавриди ваксинаи «Эпиваккорона» бояд гуфт, ки он мутобиқи санад бояд боз чор марҳилаи дигарро тай кунад. Санаи қабули қарори ниҳоии коршиносони СУТ дар мавриди ҳеҷ яке аз ваксинаҳои Россия ҳанӯз муайян нашудааст.
Таҳти рақами як дар асноди СУТ ваксинаи Comirnaty омадааст, ки онро ширкатҳои Pfizer -и ИМА ва BioNTech -и Германия муштаракан таҳия кардаанд. Ин ваксина аз тамоми марҳилаҳо гузаштааст ва дар рӯзи охирини соли 2020 СУТ онро тасвиб намуд.
Дар мавриди дигар ваксинаҳо қарорҳо метавонанд дар ҳафтаҳо ва моҳҳои наздик қабул карда шаванд. Аз ҷумла, интизор меравад, ки яке аз он ду доруе, ки ширкати бритониёӣ-шведии AstraZeneca ва Донишгоҳи Оксфорд таҳия кардаанд, дар охири моҳи январ-феврал ва доруи дуюм бошад — на пештар аз нимаи дуюми моҳи феврал хулосаи СУТ -ро дарёфт хоҳанд кард.
Дар мавриди ваксинаҳои ширкати амрикоӣ Moderna охири моҳи феврал ҳамчун замони эҳтимолӣ ҷиҳати қабули қарор эълон шудааст ва барои ваксинаҳои Пажӯҳишгоҳи зардоби Ҳиндустон, хулоса метавонад нимаи моҳи феврал пайдо шавад. Доруҳои ширкатҳои чинии Sinopharm ва Sinovac имкони гирифтани чароғи сабзро аз СУТ дар аввали моҳи март доранд, аммо нисбат ба як доруи дигар аз ҶХЧ, ки маҳсули ширкати CanSino мебошад — муҳлати эҳтимолии тасдиқи он дар санади СУТ муайян карда нашудааст.
Баррасии шомил кардани ваксинаҳои зидди коронавируси Россия ба рӯйхати доруҳое, ки барои истифодаи изтирорӣ тавсия мешаванд, мутобиқи тартиби муқарраршуда сурат хоҳад гирифт. Аз ҷумла, коршиносон ба самаранокӣ ва бехатарии ваксина ва инчунин истеҳсоли он таваҷҷуҳ зоҳир хоҳанд кард, — иброз дошт намояндаи расмии СУТ Маргарет Харрис зимни брифинг дар Женева.
Ба гуфтаи вай, чунин таҳлил дар СУТ «мӯйшикофона» сурат мегирад. Ба истеҳсолкунандагон саволҳо медиҳанд ва онҳо ҷавоб мегардонанд. Танҳо пас аз пешниҳод ва баррасии тамоми маълумоти зарурӣ, мутахассисони СУТ метавонанд дар бораи шомил кардани ваксина ба рӯйхати доруҳое, ки барои истифодаи изтирорӣ тавсия шудаанд, тасмим бигиранд,- изҳор намуд намояндаи расмии Созмон.
АКСИ: fsnovosti.ru
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
