СУТ: Режими ниқоб дар мубориза бар зидди паҳншавии коронавирус муассир аст
ДУШАНБЕ, 31.01.2021 /АМИТ «Ховар»/. Бо шарофати режими ниқоб паҳншавии вируси SARS-CoV-2-ро идора кардан имконпазир аст. Тавре АМИТ «Ховар» бо истинод ба агентии иттилоотии давлатии Беларус «БелТА» хабар медиҳад, дар ин бора Намояндаи махсуси Директори минтақавии СУТ, Роҳбари Дафтари СУТ дар Беларус Масуд Дара ба хабарнигорон гуфт.
«Дар марҳилаҳои аввал мо ҳеҷ далеле надоштем, аммо ҳоло далелҳои илмӣ мавҷуд буда, аз он шаҳодат медиҳанд, ки паҳншавии вирусро метавон бо истифода аз воситаҳои одии муҳофизаткунандаи роҳи нафас аз ҷониби аҳолӣ, яъне ниқоб, идора кард. Аз ин рӯ, мо риояи режими ниқобро тавсия медиҳем», — гуфт Масуд Дара.
Бояд имкони кори фосилавӣ бозбинӣ шавад. «Масалан, дафтари мо кӯшиш менамояд, ки ба ҳадди имкон ин корро анҷом диҳад. Ба онҳое, ки дар идора кор мекунанд, гардиши ҳаво дар ҳуҷра мунтазам таъмин карда мешавад. Ва шумо низ бояд кӯшиш кунед, ки дар ҷойҳои кории худ ҳамин тавр намоед», — илова кард Намояндаи махсуси Директори минтақавии СУТ.
Масуд Дара дар бораи аҳамияти фосилаи ҷисмонӣ (на иҷтимоӣ) низ сухан гуфт. «Иҷтимоишавӣ бояд ҳифз ва нигоҳ дошта шавад. Одамон бояд робитаро идома диҳанд, аммо дар шакли фосилавӣ», — гуфт ӯ ва илова кард, ки аз издиҳоми одамон худдорӣ шавад ва ба ҳадди имкон масофаи ҷисмонӣ ба андозаи якуним метр риоя гардад. Ин имкон медиҳад, ки интиқоли вирус тавассути қатраҳое, ки дар натиҷаи нафаскашӣ ба вуҷуд меоянд, пешгирӣ шавад.
Илвоа бар ин, роҳбари Дафтари СУТ дар Беларус аҳамияти гигиенаи дастҳоро ёдрас шуд. «Собун ба сохтори вирус таъсири назаррас расонда, онро ҳал (об) мекунад ва аз сатҳи даст нест менамояд. Инчунин метавон дастҳоро бо маҳлулҳои спиртӣ безарар кард, аммо фоизи спирт дар таркиби маҳлулҳо бояд ба қадри кофӣ баланд бошад — на кам аз 60% ва беҳтараш беш аз 70%. Дар акси ҳол, онҳо муассир нахоҳанд буд», — гуфт ӯ.
«Агар шумо нишонаҳо дошта бошед ё шумо натиҷаи мусбии озмоишро дарёфт карда бошед, бояд гушанишинӣ кунед ва робитаро бо дигарон маҳдуд намоед», — таъкид намуд Масуд Дара.
АКС аз Михаил Воскресенский / РИА Новости
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
