ТАСС: Вазъи коронавирус дар аксар кишварҳои хориҷаи наздик беҳтар мешавад, дар Тоҷикистон бошад моҳи январ умуман ягон ҳолати нави сироят ба қайд гирифта нашуд
ДУШАНБЕ, 30.01.2021 /НИАТ «Ховар»/. Оғози соли нав дар аксари кишварҳои хориҷаи наздик бо коҳиш ёфтани афзоиши ҳаррӯзаи сирояти коронавирус мушоҳида гардида, моҳи январ дар Тоҷикистон ягон ҳолати нав ба қайд гирифта нашуд. Дар ҳамин ҳол, дар Украина ва Қазоқистон ин нишондод рӯ ба афзоиш аст, мақомот аз шаҳрвандон даъват мекунанд, ки ба чораҳои зиддиэпидемикӣ ҷоришуда ҷиддитар муносибат кунанд, то барои ҷори намудани чораҳои нав зарурат пеш наояд, хабар дод ТАСС 29 январ.
Афзоиши ҳаррӯзаи сироятҳо дар Тоҷикистон, Молдова, Грузия, Озарбойҷон, Арманистон, Қирғизистон, Ӯзбекистон коҳиш ёфт.
Дар куҷо вазъ беҳтар мешавад:
- Дар Тоҷикистон аз 30 декабри соли 2020 инҷониб ягон ташхиси мусбати коронавирус ба қайд гирифта нашудааст;
- Дар Молдова шумораи миёнаи гирифторони нав нисбат ба моҳи декабр, вақте ки авҷи афзоиши ҳаррӯза сабт шуда буд, се маротиба кам шудааст;
- Дар Грузия нишондиҳандаҳои миёнаи моҳи январ нисбат ба моҳи декабр якчанд маротиба кам мебошанд, мақомот аз 1 феврал тасмим гирифтанд, ки парвозҳои мунтазами ҳавоӣ бо кишварҳои хориҷиро, ки аз моҳи марти соли 2020 қатъ шуда буданд, барқарор кунанд ва як қатор маҳдудиятҳоро дар дохили кишвар бекор намоянд;
- Дар Озарбойҷон афзоиши миёнаи ҳаррӯзаи шумораи сироятёфтагон панҷ маротиба коҳиш ёфт, аз 18 январ сабукшавии тадриҷии низоми карантин оғоз гардид;
- Дар Арманистон афзоиши ҳаррӯза аз 200 нафар (авҷи он тирамоҳ расида буд, вақте ки ин рақам 2 ҳазорро ташкил медод) кам буда, коршиносон мегӯянд, ки ин кишвар мавҷи дуввуми пандемияро паси сар кард;
- Дар Қирғизистон моҳи январ аз 80 то 150 ҳолати нав ба қайд гирифта мешавад — нисбат ба моҳи декабр тақрибан ду баробар кам;
- Дар Ӯзбекистон нишондиҳандаҳои афзоиши ҳаррӯза нисбат ба охири соли гузашта якуним-ду маротиба коҳиш ёфтаанд;
Дар куҷо вазъ беҳтар нагардидааст:
- Дар Беларус дар аввали моҳи январ коҳиши афзоиши ҳаррӯза мушоҳида мешуд, аммо ҳоло нишондиҳандаҳо ба ҳолати қаблии худ баргаштанд;
- Дар Қазоқистон вазъи эпидемикӣ давоми ду моҳи охир бад шуда истодааст. Дар моҳи январ дар муқоиса бо моҳи декабр сатҳи беморӣ бинобар бад шудани вазъ дар ҳашт минтақаи ин кишвар 10% афзоиш ёфт. Мақомот интизор доранд, ки авҷи афзоиши беморӣ ба охири моҳи март рост меояд;
- Дар Украина афзоиши ҳаррӯза нисбат ба моҳи декабр се маротиба камтар аст, аммо охири моҳи январ, пас аз бекор кардани карантини шадид, афзоиши якбораи нишондиҳандаҳо ба назар мерасад.
АКС аз © REUTERS / Владимир Пирогов
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
