Вакилони Маҷлиси намояндагон аз Минтақаи озоди иқтисодии «Кӯлоб» боздид намуданд

Январь 7, 2021 09:35

ДУШАНБЕ, 07.01.2021 /АМИТ «Ховар»/. Дар Минтақаи озоди иқтисодии «Кӯлоб» марҳилаи аввали корҳои сохтмони панҷарабандии ҳудуди минтақа дар доираи лоиҳаи тасдиқгардида ва талаботи муқарраргардида бо дарозии зиёда аз 800 метр анҷом дода шуда, масофаи умумии панҷарабандии атрофи он 9,3 км-ро ташкил медиҳад. Дар раванди корҳои сохтмонӣ зиёда аз 30 нафар мутахассисони маҳалли атрофи минтақаи мазкур бо маоши муносиб ба кор ҷалб гардиданд. Инчунин лоиҳаи ангоравии бинои маъмурӣ, гузаргоҳи гумрукӣ ва нақшаи генералии МОИ тибқи тартиби муқарраргардида мувофиқа гардида, оғози корҳои сохтмонӣ дар аввали соли равон пешбинӣ гардидааст.

Тавре аз мақомоти иҷроияи ҳокимияти давлатии шаҳри Кӯлоб иттилоъ доданд, дар доираи иҷрои дастуру супоришҳои Маҷлиси намояндагони Маҷлиси Олии Ҷумҳурии Тоҷикистон вакилони Маҷлиси намояндагони Маҷлиси Олии Ҷумҳурии Тоҷикистон Хайрулло Амонулло ва Шарифҷон Ҳакимзода аз ҷараёни корҳои сохтмонии Минтақаи озоди иқтисодии «Кӯлоб» боздид намуданд.

Зимни боздид меҳмонон мушкилоти мавҷудаи Минтақаи озоди иқтисодиро мавриди таҳлил ва муҳокима қарор додаанд. Вакилони Маҷлиси намояндагони Маҷлиси Олии Ҷумҳурии Тоҷикистон омодагии худро баҳри такмили санадҳои меъёрию ҳуқуқии амалкунандаи вобаста ба ҷалби бештари сармоягузориҳо ба Минтақаи озоди иқтисодӣ баён намуданд.

Ёдовар мешавем, ки вакилони Маҷлиси намояндагони Маҷлиси Олии Ҷумҳурии Тоҷикистон дар доираи сафари худ ба шаҳри Кӯлоб бо намояндагони соҳаи маориф ва фаъолон ҷиҳати самаранок истифода бурдани неруи барқ, пешгирии бемории коронавирус (covid-19), вусъати кишту кор дар заминҳои наздиҳавлигӣ ва дар сатҳи баланд таҷлил намудани ҷашни 30-солагии Истиқлолии давлатии Ҷумҳурии Тоҷикистон суҳбат  намуданд.

Январь 7, 2021 09:35

Хабарҳои дигари ин бахш

Файзалӣ Идизода дар Женева оид ба дастовардҳои парламенти Тоҷикистон сухан гуфт
Раиси Маҷлиси намояндагон дар иҷлосияи сатҳи баланд дар Женева иштирок намуд
Файзалӣ Идизода дар Конфронси ҷаҳонии Раисони парлумонҳо дар Женева иштирок менамояд
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Муғулистон мулоқот намуд
Дар Душанбе ҳамкории байнипарлумонии Тоҷикистону Муғулистон баррасӣ шуд
Робитаҳои байнипарлумонии Тоҷикистон ва Русия густариш меёбанд
Вакилони Маҷлиси намояндагони Тоҷикистон дар Чин ташкили механизми муошират байни мақомоти қонунгузорро меомӯзанд
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Қирғизистон мулоқот намуд
Раиси Маҷлиси миллии Маҷлиси Олӣ Рустами Эмомалӣ бо Президенти Қирғизистон Садир Жапаров мулоқот намуданд
1 сол пеш дар Душанбе ду иншооти муҳташам- бинои Парлумон ва Ҳукумати Тоҷикистон ба истифода дода шуд
Мавсума Муинӣ бо истеъдодҳои наврасу ҷавон вохӯрӣ доир намуд
Дар Душанбе масъалаи рушду таҳкими ҳамкории байнипарламентӣ байни Тоҷикистон ва Беларус баррасӣ гардид