Ба сокинони Ҷамоати деҳоти Сешанбеи шаҳри Турсунзода нуктаҳои муҳими Паёми Пешвои миллатро шарҳ доданд

Февраль 27, 2021 09:18

ТУРСУНЗОДА, 27.02.2021. /АМИТ «Ховар»/. Дар Ҷамоати деҳоти Сешанбеи шаҳри Турсунзода бо иштироки намояндагони мақомоти иҷроияи ҳокимияти давлатии шаҳр, кормандони мақомоти ҳифзи ҳуқуқ,  бахшҳои ҷавонону бонувон ва фаъолону шӯрои занон баҳри шарҳу тафсири нуктаҳои асосии Паёми навбатии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо аҳли ҷамоат вохӯрии судманд баргузор гардид. Дар ин бора котиби матбуоти раиси шаҳри Турсунзода Фирӯз Холиқов ба хабарнигори АМИТ«Ховар» иттилоъ дод.

Дар ҷамъомади мазкур раиси ҷамоати деҳоти Сешанбеи шаҳри Турсунзода Саодат Умарова изҳор дошт, ки “Паёми навбати Пешвои миллат муҳтарам Эмомалӣ Раҳмон-ин ҳуҷҷати таърихӣ мазмунан ҷанбаҳои сиёсӣ, иқтисодӣ, иҷтимоӣ ва фарҳангиро ба худ касб намуда, бори дигар собит намуд, ки  дар ҳама бахшҳои мухталифи кишвар нишондиҳандаҳои рушд дақиқан ва мазмунан шарҳ дода шудаанд, ки чунин пешравиҳо аз рушди босуботи соҳаҳои мухталифи ҳаёти ҷамъиятии кишварамон гувоҳӣ медиҳанд. Имрӯз тамоми ҷабҳаҳои ҳаётан муҳими ҷомеа зери таассуроти беандоза ҷаззобу роҳнамоикунандаи Паём қарор дошта, раванду амалисозии он дар ҷараён ва ривоҷу равнақ мебошад. Хушбахтона, имрӯзҳо  сокинону соҳибкорони Ҷамоати деҳоти Сешанбе дар партави паёмҳои Пешвои миллат дар корҳои  созандагию бунёдкории ҳудуди ҷамоат фаъолона иштирок намуда, барои дар сатҳи баланд пешвоз гирифтани ҷашни бузурги 30- солагии Истиқлоли давлатӣ саҳми арзанда гузошта истодаанд”.

Дар вохӯрӣ меҳмонон оид ба  пешгирии шомилшавии ҷавонон ба ҳизбу ҳаракатҳои террористию экстремистӣ ва дигар падидаҳои хавфноку хатарнок, бурдани тарзи ҳаёти солим ва риояи қоидаҳои санитарию тозагӣ, аз даст надодани ҳушёриву зиракии сиёсӣ, сидқан дӯст доштани Ватан, ҷалби ҷавонон ба сафи Қувваҳои мусаллаҳи Тоҷикистон, донистани таърихи худ ва арҷ гузоштан ба он сухан гуфтанд.

Аҳли нишаст, ки намояндагони табақаҳои гуногуни иҷтимоии аҳолии ҷамоат, аз ҷумла раисони маҳаллаҳо, ходимони дин, директорону омӯзгорони муассисаҳои таълимии ҷамоат ва ҷавонону занон буданд, ҳамзамон иброз намуданд, ки амалисозии ин ҳуҷҷати муҳимро вазифаи худ дониста,  онро дар зиндагӣ ҳамчун роҳнамо истифода мебаранд.

Ёдовар мешавем, ки мақомоти иҷроияи ҳокимияти давлатии шаҳри Турсунзода бо мақсади татбиқи амалии Паёми Сарвари давлат бо шумули коршиносону собиқадорон ва кормандони мақомоти ҳифзи ҳуқуқу мақомоти иҷроия  гурӯҳҳои корӣ таъсис додааст, ки имрӯзҳо дар ҳама ҷамоатҳои шаҳраку деҳот мулоқоту суҳбатҳо баргузор менамоянд.

Февраль 27, 2021 09:18

Хабарҳои дигари ин бахш

Дар Тоҷикистон даври интихобии Озмуни телевизионии «The Central Asia’s Got Talent» оғоз шуд
САМБО. Акмалиддин Каримов, Хушқадам Хусравов ва Табрезшоҳ Парпишоев соҳиби медалҳои чемпионати ҷаҳон шуданд
Дар Қубодиён қаллобон барои тасарруфи беш аз 150 ҳазор сомонӣ дастгир шуданд
Дар Раёсати Вазорати корҳои дохилӣ дар вилояти Суғд санги асоси бинои иловагӣ гузошта шуд
ОБУ ҲАВО: Имрӯз дар Тоҷикистон ҳавои тағйирёбанда шуда, дар баъзе ноҳияҳо туман мефарояд
Чемпионати ҷаҳон оид ба бокс миёни бонувон то моҳи марти соли 2022 мавқуф гузошта шуд
ОБУ ҲАВО: Имрӯз дар Тоҷикистон ҳаво абрнок шуда, дар ноҳияҳои алоҳидаи кӯҳӣ борон ва барф меборад
Дар Суғд ба ифтихори Рӯзи Президент мусобиқаҳои варзишӣ баргузор шуданд
Конфронси Ассотсиатсияи байналмилалии академияҳои полис – «ИНТЕRPA» дар шаҳри Анталия доир шуд
Дар Душанбе масъалаҳои мубрами меъморӣ ва шаҳрсозӣ баррасӣ гардиданд
ОБУ ҲАВО: Имрӯз дар Душанбе ҳаво рӯзона 15+17 дараҷа гарм мешавад
ЧЕМПИОНАТИ ҶАҲОН ОИД БА САМБО. Акмалиддин Каримов ва Хушқадам Хусравов ба даври ниҳоӣ роҳ ёфтанд