Бо курсантони Литсеи ҳарбии Вазорати мудофиаи Тоҷикистон мулоқот доир шуд
ДУШАНБЕ, 06.02.2021 /АМИТ «Ховар»/. Бо мақсади баланд бардоштани рӯҳияи сарбозон, тарғиби дастовардҳои Истиқлоли давлатӣ, таҳкими ваҳдати миллӣ, худшиносиву худогоҳӣ ва ватандӯстию ватанпарастӣ бо таълимгирандагон–курсантони Литсеи ҳарбии Вазорати мудофиаи Ҷумҳурии Тоҷикистон мулоқоти самимию хотирмон сурат гирифт. Дар ин бора аз Кумитаи иҷроияи Ҳаракати ваҳдати миллӣ ва эҳёи Тоҷикистон ба АМИТ «Ховар» иттилоъ доданд.
Дар мулоқот Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам, Раиси Шӯрои куҳансолон Ғайбулло Афзалов, муовини Вазири мудофиаи Ҷумҳурии Тоҷикистон Абдусаттори Шоҳиён, муовини Раиси Кумитаи дин, танзими анъана ва ҷашну маросим Азизулло Мирзозода, муовини Раиси шаҳри Душанбе Мавсума Муинӣ иштирок намуданд.
Муовини Вазири мудофиа Абдусаттори Шоҳиён дар бораи хизмати сарбозӣ, шароити муҳайёнамудаи давлату Ҳукумат барои низомиён, таърихи таъсис ёфтани Артиши миллӣ ва нақши Пешвои миллат муҳтарам Эмомалӣ Раҳмон ҳамчун муассиси Артиши миллии Тоҷикистон сухан гуфт.
Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам дар хусуси сиёсати устувори Президенти Ҷумҳурии Тоҷикистон муҳтарам Эмомалӣ Раҳмон вобаста ба Ваҳдати миллӣ, нақши Созишномаи истиқрори сулҳ ва ризоияти ҷомеа дар роҳи ба даст овардани сулҳу субот, зарурати таъсиси Ҳаракати ваҳдати миллӣ ва эҳёи Тоҷикистон мулоҳизаҳояшро баён кард. Ӯ сулҳу ваҳдатро яке аз арзишҳои муҳимтарини Истиқлоли давлатии Тоҷикистон дониста, аз курсантони ин мактаби ҳарбӣ даъват кард, ки вазифаи асосии онҳо ҳифзи Ватан аст, зеро онҳо дар ин литсей нозукиҳои касби ҳарбиро меомўзанд ва барои дифои хоки поку муқаддаси Ватан-Модар ҳамеша бояд омода бошанд.
Рудобаи Мукаррам аз таҳдиду хатарҳои терроризму ифротгароӣ, дар мисоли ДОИШ ва ТЭТ ҲНИ ва дигар зуҳуроти номатлуб изҳори нигаронӣ карда, курсантонро ба дӯст доштани Ватан-Модар даъват намуд.
Дар ҳамоиш ҳамчунин Раиси Шӯрои куҳансолон Ғайбулло Афзалов, муовини Раиси Кумитаи дин, танзими анъана ва ҷашну маросим Азизулло Мирзозода ва муовини Раиси шаҳри Душанбе Мавсума Муинӣ сухан гуфтанд.
24 ОКТЯБР — РӮЗИ ИТТИФОҚҲОИ КАСАБА. Нақши он дар ҳимояти ҳуқуқ ва манфиатҳои иҷтимоию иқтисодии кормандон назаррас аст
Дар ноҳияи Шоҳмансур вобаста ба пешгирии ҳолатҳои фавқулода корҳои фаҳмондадиҳӣ гузаронида шуданд
Дар маркази ноҳияи Данғара бунёди 315 бинои истиқоматии аз 9 то 16 ошёна ба нақша гирифта шудааст
Бахшида ба Рӯзи иттифоқҳои касабаи Тоҷикистон ҳамоиши фарҳангӣ доир карда шуд
Дар қаламрави Тоҷикистон заминларза ба амал омад
Дар шаҳри Омск Форуми 5-уми сарварони ҷавони Русия ва давлатҳои Осиёи Марказӣ оғоз ёфт
Масъалаи ба такмили ихтисос фаро гирифтани табибони тоҷик дар Эрон баррасӣ гардид
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
