Дар ҷамоатҳои шаҳраку деҳоти Рашт бо мақсади фаҳмонидани моҳияти Паёми Пешвои миллат вохӯриҳо доир мешаванд

Февраль 25, 2021 11:20

РАШТ, 25.02.2021 /АМИТ «Ховар»/. Масъулини Мақомоти иҷроияи ҳокимияти давлатии ноҳияи Рашт дар якҷоягӣ бо роҳбарони ташкилоту муассисаҳо ва мақомоти ҳифзи ҳуқуқ дар ҷамоатҳои шаҳраку деҳоти ноҳия бо аҳли ҷамоат суҳбату вохӯриҳо ташкил намуда, нуктаҳои асосии Паёми навбатии Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олиро ба мардум шарҳу тафсир намуда истодаанд.  Дар ин бора аз Мақомоти иҷроияи ҳокимияти давлатии  ноҳияи Рашт ба хабарнигори АМИТ «Ховар» иттилоъ доданд.

Дар ин вохӯриҳо зикр мегардад, ки Паёми Пешвои миллат роҳнамои ҳадафҳои созандаи кишвар буда, таҳлили тамоми соҳаҳои ҳаёти ҷомеаро дар бар мегирад. Дар ҳаёти ҷамъиятию сиёсӣ, иқтисодию иҷтимоии кишвар он ҳамчун чароғи роҳнамо ва пешбарандаи ҷомеа маҳсуб шуда, татбиқи нақшаю вазифаҳои гузошташуда барои имрӯзу фардои ҷомеаро дар бар мегирад.

Масъулин зимни вохӯриҳо доир ба масъалаҳои ҳифзи ҳуқуқу озодиҳои инсон, таъмини амнияти миллӣ, манфиати давлату ҷомеа, волоияти қонун сухан гуфта, иштирокдоронро ба ҳушёрию зиракии сиёсӣ, мубориза бурдан бар зидди терроризму экстремизм ва пешгирии ҷавонон аз шомилшавӣ ба ҳизбу ҳаракатҳои террористӣ-экстремистӣ даъват менамоянд.

Дар анҷоми мулоқотҳо шахсони саховатманду эҳсонкоре, ки дар корҳои ободонию созандагии ноҳия саҳм доранд, аз тарафи Мақомоти иҷроияи ҳокимияти давлатии ноҳияи Рашт бо ифтихорномаю сипосномаҳо қадрдонӣ мешаванд. Ҳамзамон соҳибкорони маҳаллӣ барои вусъат бахшидани корҳои ободонию созандагӣ ба истиқболи ҷашни 30 – солагии Истиқлоли давлатии Ҷумҳурии Тоҷикистон ва дастгирии қишри осебпазири ҷомеа даъват мегарданд.

Февраль 25, 2021 11:20

Хабарҳои дигари ин бахш

Дар вазорату муассисаҳои Тоҷикистон Рӯзи Президент бошукӯҳ таҷлил гардид
Дар Рӯзи Президент Муассисаи давлатии телевизиони мусиқии Тоҷикистон «Шаҳнавоз» расман ифтитоҳ гардид
Музаффар Ашӯриён: Рӯзи Президент — рӯзи иқболи мардуми Тоҷикистон аст
Эмомалӣ Раҳмонро дар арсаи байналмилалӣ шахсияти сулҳофару сулҳпарвар ва сарҷамъкунандаи миллат эътироф намудаанд
Дар Хоруғ бо мақсади захира барои зимистон ярмарка-фурӯши маҳсулоти кишоварзӣ доир шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Пагоҳ ба шарафи Рӯзи Президент намоиш-фурӯши китобҳо доир мешавад
Бахшида ба Рӯзи Президент маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» доир мешавад
Хонандагони тоҷик дар Олимпиадаи байналмилалии физика дар Узбекистон соҳиби ҷойи сеюм шуданд
«30-солагии ИДМ: таҷриба ва навоварӣ». Таҳти чунин унвон дар Қасри Таврический ҷаласаи пленарӣ доир шуд
Дар Тоҷикистон даври интихобии Озмуни телевизионии «The Central Asia’s Got Talent» оғоз шуд
САМБО. Акмалиддин Каримов, Хушқадам Хусравов ва Табрезшоҳ Парпишоев соҳиби медалҳои чемпионати ҷаҳон шуданд