Дар Конибодом боғи нави зардолу бунёд мешавад
ДУШАНБЕ 27.02.2021 /АМИТ «Ховар»/. Аъзои хоҷагии деҳқонии «Навбаҳор»-и шаҳри Конибодом тасмим гирифтаанд, ки ҷиҳати иҷрои дастуру ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти зиёд намудани масоҳати боғот ва ҳаҷми истеҳсоли маҳсулот дар чор гектар боғи нави зардолу бунёд намоянд.
Дар ин бора аз хадамоти матбуоти Раиси вилояти Суғд ба АМИТ «Ховар» иттилоъ доданд.
Раиси вилояти Суғд Раҷаббой Аҳмадзода зимни ширкат дар маъракаи ниҳолшинонӣ барои тавсеаи майдони боғот, афзун намудани ҳаҷми истеҳсол ва содироти зардолуи тару хушк, истифодаи самараноки замини қатори боғот ба масъулин дастуру супоришҳо дод.
Таъкид карда шуд, ки кишоварзони Конибодом дар самти парваришу дарахтони зардолу ва рӯёнидани ҳосили хуби он таҷрибаи бой дошта, умед аст, ки аз боғи нав низ ҳосили дилхоҳ ба даст оварда мешавад.
Боғпарварӣ аз шуғлҳои сердаромади сокинони Конибодом буда, айни замон бо сабаби пастшавии ҳарорати ҳаво дар боғоти минтақа корҳои биокимиёвӣ ва дудмонӣ ба роҳ монда шудааст. Кишоварзон дар ҳамкорӣ бо олимону мутахассисон баҳри пешгирии таъсири сардӣ дар боғот ва эмин нигоҳ доштани дарахтон тадбирҳои зарурӣ андешида истодаанд.
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
«КИШВАРИ САБЗ». Дар шафати роҳи мошингарди Конибодом –Хуҷанд 2700 бех ниҳол шинонида мешавад
Энергетикҳо дар маҳаллаи Лучоби Боло 1500 бех ниҳоли дарахтони мевадиҳанда шинониданд
ДАРАХТ БИНШОН! Дар Роғун, Ваҳдат ва Файзобод беш аз 2 ҳазор бех ниҳоли дарахтони ороишӣ шинонида шуд
Бо иштироки муовини Сарвазири Тоҷикистон ва аъзои ҲХДТ дар Варзоб беш аз 700 бех ниҳол шинонида шуд
Ҳифзи растаниҳои нодир вазифаи ҳар як шаҳрванд мебошад
Дар шаҳри Турсунзода зиёда аз 22 ҳазор бех ниҳол ва 300 ҳазор дона гулҳои гуногун шинонида мешаванд
БАРНОМАИ ДАВЛАТИИ КАБУДИЗОРКУНӢ. Дар Ҳисор беш аз 20 ҳазор бех ниҳоли дарахтони ҳамешасабз шинонида мешавад
Дар шаҳри Ваҳдат бо иштироки муовини Сарвазири Тоҷикистон маъракаи ниҳолшинонӣ доир гардид
Дар минтақаи Ховарон дар беш аз 7 гектар боғи мевадиҳанда бунёд мегардад
ДАРАХТ БИНШОН! Дар шафати роҳҳои мошингарди Ванҷ беш аз 2000 бех ниҳол шинонида шуд
ДАРАХТ БИНШОН! Дар минтақаи Лоҳури ноҳияи Рӯдакӣ 700 бех ниҳоли гуногун шинонида шуд
