Дар як сол дар ҷануби Тоҷикистон 8344 барнома бо иштироки ҷавонон баргузор шудааст

БОХТАР, 09.02.2021 /АМИТ «Ховар»/. Соли 2020 дар вилояти Хатлон 8344 барномаи мухталифи дорои хусусияти сиёсӣ, иқтисодӣ, иҷтимоӣ, фарҳангӣ ва варзишӣ баргузор гардиданд. Дар онҳо 807 ҳазору 826 нафар ҷавонон ширкат варзиданд. Дар ин бора сардори Раёсати кор бо ҷавонон ва варзиши вилояти Хатлон Фариза Абдуллозода имрӯз зимни нишасти матбуотӣ хабар дод.

Ба гуфтаи вай, имрӯз дар минтақа 1 миллиону 78 ҳазору 100 нафар зиндагӣ мекунанд, ки аз ҷумла 525 ҳазору 827 нафари онҳо духтарон мебошанд.

«Дар вилоят 143 нафар донишҷӯ стипендияи Президентӣ, 463 нафар — стипендияи раисони шаҳру ноҳияҳо, 130 нафар — стипендияи раиси вилояти Хатлонро мегиранд», — иброз дошт вай.

Дар вилоят 11 маркази ҷавонон фаъолият мекунанд. Дар 4 ноҳия — Восеъ, Хуросон, Мӯъминобод ва Ш.Шоҳин — сохтмони марказҳо идома дошта, дар минтақаи Ҷалолиддини Балхӣ барои сохтмон қитъаи замин ҷудо карда шудааст.

Шумораи умумии ихтиёриён дар минтақа 1918 нафарро ташкил медиҳад.