Дастаи миллии футболи Тоҷикистон дар бозии дуюми дӯстона дар Дубай Урдунро шикаст дод

ДУШАНБЕ, 06.02.2021 /АМИТ «Ховар»/. Дастаи миллии футболи Тоҷикистон дар бозии дуввуми дӯстона, ки 5 феврал дар Дубай баргузор шуд, дастаи  миллии Урдунро бо ҳисоби 1-0 шикаст дод. Дар ин бора АМИТ «Ховар» бо истинод ба Федератсияи футболи Тоҷикистон хабар дод.

Голи ягонаи бозиро футболбози дастаи «Истиқлол» ва дастаи миллии кишвар – Алишер Ҷалилов дар дақиқаи 79-ум ба ҳадаф расонид.

Дар аввалин бозии дӯстона, ки 1 феврал баргузор шуда буд, Урдун бо ҳисоби 2-0 ғолиб шуд.

Ёдрас мекунем, ки бозии аввали дастаҳо бо ҳисоби 2-0 ба суди урдуниҳо хотима ёфта буд.

Бозии рафиқона

Урдун – ТОҶИКИСТОН – 0:1

Гол: Алишер Ҷалилов, 79.

Тоҷикистон: Рустам Ятимов, Ваҳдат Ҳанонов, Давронҷон Эргашев, АҲтам Назаров (Табрези Давлатмир, 46), Искандар Ҷалилов, Амирбек Ҷӯрабоев, Ҷахонгир Эргашев (Ислом Зоиров, 46), Эҳсони Панҷшанбе, Алишер Ҷалилов, Илхомҷон Баротов (Мухаммаҷон Раҳимов, 76), Манучеҳр Ҷалилов (Рустам Соиров, 70, Абдулмумин Забиров, 90+3).

5 феврал. Дубай. Варзишгоҳи Ассотсиатсияи футболи АМА.

АКСИ ФФТ