ДАВЛАТАЛӢ САИД — САРДОР УМУРЗОҚОВ: Тоҷикистон ва Ӯзбекистон суботи маҷрои обро аз обанборҳои Тоҷикистон таъмин мекунанд ва ҳаҷми умумии гардиши мутақобилаи молҳоро ба 1 миллиард доллар мерасонанд

Февраль 18, 2021 12:32

ДУШАНБЕ, 18.02.2021 /АМИТ «Ховар»/. Дирӯз дар шакли видеоконфронс музокироти муовини якуми Сарвазири Ҷумҳурии Тоҷикистон Давлаталӣ Саид бо муовини Сарвазир — Вазири сармоягузорӣ ва савдои хориҷии Ҷумҳурии Ӯзбекистон Сардор Умурзоқов баргузор шуд.

Дар ҷараёни мулоқот ҷонибҳо оид ба масъалаҳои калидии рӯзнома табодули афкор намуда, якчанд масъалаҳои мубрами ҳамкории мутақобиларо дар соҳаҳои тиҷорат, ҳамкории саноатӣ, нақлиёт, захираҳои об ва бахшҳои бонкӣ ва молиявӣ баррасӣ карданд.

Қарор аст, ки ҳамкорӣ дар самти навсозии якчанд иншооти гидротехникӣ бо ҷалби кумаки молиявӣ ва техникии созмонҳои молиявии байналмилалӣ ва донорҳо фаъол карда шавад ва механизми таъмини босубот ва саривақтии об аз обанборҳои Тоҷикистон ба Ӯзбекистон коркард шавад.

Ҷонибҳо инчунин ба мувофиқа расиданд, ки корҳои муштаракро барои беҳтар намудани шароити афзоиши ҳаҷми савдои мутақобила бо роҳи  бартараф намудани монеаҳои мавҷудаи техникӣ ва таъмини дастрасии мусоиди маҳсулоти истеҳсоли Тоҷикистон ва Ӯзбекистон ба бозорҳои ду кишвар, ки дар қатори чизҳои дигар имкон медиҳад вазифаи гузошташуда барои ба 1 миллиард доллари ИМА расонидани ҳаҷми он иҷро карда шавад, фаъол намоянд.

Дар фарҷоми музокирот оид ба таъсиси гурӯҳи кории муштарак дар ҳайати роҳбарони вазорату идораҳои асосии ду кишвар ба мувофиқа расиданд ва вазифаи ин гурӯҳ назорати иҷрои созишномаҳои дуҷониба, таҳлили имконоти истифоданашудаи ҳамкории мутақобила, омӯзиши  рақобатпазирии бозорҳои ду кишвар барои таҳияи пешниҳодҳои мушаххас ҷиҳати афзоиши ҳаҷми тиҷорати мутақобила хоҳад буд.

Инчунин мувофиқа шуд, ки тарафайн ба таври алоҳида «Харитаи роҳ» -ро барои дастгирӣ намудани ташаббусҳои муштарак дар соҳаҳои сармоягузорӣ, тиҷоратӣ-иқтисодӣ, нақлиётӣ ва обӣ-энергетикӣ таҳия хоҳанд кард.

АКСИ АМИТ «Ховар»

Февраль 18, 2021 12:32

Хабарҳои дигари ин бахш

Барои рушди соҳаи боғу токпарварӣ — барномаи чоруми давлатӣ татбиқ мегардад
«БАРНОМАИ МИЁНАМУҲЛАТИ РУШДИ ИҚТИСОДИ РАҚАМӢ».Мутахассис ин мавзуъро шарҳ медиҳад
ТИҶОРАТИ РАҚАМӢ. Он ба густариши фаъолияти соҳибкорӣ ва баланд бардоштани рақобатпазирии иқтисоди миллӣ мусоидат менамояд
МАСЛИҲАТИ МУТАХАССИС. Барои ҳифзи боғҳо корҳои агротехникии тирамоҳӣ аҳамияти муҳим доранд
Истгоҳи обуҳавосанҷии Горбунов дар пиряхи «Тоҷикистон» навсозӣ карда мешавад
ҚАТЪНОМАИ ТАЪРИХӢ БАРОИ ОСИЁИ МАРКАЗӢ. Чӣ гуна ташаббуси Президенти Тоҷикистон зеҳни сунъиро ба рӯзномаи Маҷмаи Умумии СММ ворид кард
Ба бунёди боғҳои интенсивӣ ва суперинтенсивӣ таваҷҷуҳро бештар намоем. Шарҳи коршинос
Ҳаҷми маблағгузории Фонди иқлими сабз барои Тоҷикистон ба 235 миллион доллар расидааст
Ҷаласаи навбатии Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир шуд
«БАРНОМАИ ДАВЛАТИИ РУШДИ МАЪРИФАТ ВА ФАРҲАНГИ ЭКОЛОГӢ». Он ба баланд бардоштани фарҳанги экологии аҳолӣ равона шудааст
Тоҷикистон дар COP31 таъсиси платформаи минтақавии инноватсияҳои «сабз»-ро дар Осиёи Марказӣ пешниҳод намуд
Директори Агентии авиатсияи гражданӣ Ҳабибулло Назарзода дар Ассамблеяи 43-юми ИКАО дар шаҳри Монреали Канада иштирок намуд