ДИНОЗАВРҲО ДАР ЗАМИНҲОИ ОСИЁИ МАРКАЗӢ ГАШТУ ГУЗОР МЕКАРДААНД. Дар Ӯзбекистон махлуқи барои илм номаълум ёфт шудааст

Февраль 26, 2021 10:25

ДУШАНБЕ, 26.02.2021 /АМИТ «Ховар»/. Дар қаламрави Ӯзбекистон як намуди динозаврҳои қаблан номаълум шиносоӣ шудааст, ки аз автобуси дуқабата ду маротиба калонтар будааст, хабар медиҳад АМИТ «Ховар» бо истинод ба Daily Mail.

Устухони думғозаи динозаврро як дастаи байналмилалӣ дар биёбони Қизилқум, ки ҳамчун «қабристони динозаврҳо» маъруф аст, аз замин кофта баровард.

Дарозии ин ҳайвони азимҷусса, ки онро Dharatitanis kingi меномидаанд, тақрибан 20 метр ва ҳамтани Диплодокус — бузургтарин махлуқе, ки дар сайёра сайругашт мекардааст, будааст.

Махлуқ думи қамчинмонанд ва гардани дароз доштааст, ки ба ӯ имкон медодааст, ки аз меваҳои дарахтҳои баландтарин ғизо гирад ва инчунин динозавр сари начандон калон ва дандонҳои ҳамчун теғ тез доштааст.

Олимон муайян кардаанд, ки динозавр дар қаламрави имрӯзаи Ӯзбекистон дар давраи табошир, ки аз 145,5 то 65,5 миллион сол пеш тӯл кашидааст, сокин будааст.

Муҳаққиқон мегӯянд, ки дар сангбастаҳо миқдори зиёди боқимондаҳои устухонҳои бисёр хуб ҳифзшудаи ҳайвоноти сутунмӯҳрадор ошкор шудааст.

Ҳамин тавр, динозаврҳо замоне дар сарзамини Осиёи Марказӣ гашту гузор мекардаанд. Онҳо 100 миллион сол пеш, вақте ки қитъаҳо як буданд, дар ҳамвориҳои наздисоҳилӣ, дар ғарбитарин нуқтаи хушки Осиё зиндагӣ мекарданд. Бояд зикр кард, ки изҳои динозаврҳо дар Тоҷикистон низ пайдо шуданд — дар маҷрои дарёи Ширкент дар водии Ҳисор зиёда аз 300 адад из ёфт шудааст. Дар он ҷо, дар шаҳри Турсунзода Боғи миллии “Изҳои  динозавр” сохта шудааст, ки диққати сайёҳони хориҷиро ба худ ҷалб мекунад.

 

АКС аз манбаъҳои боз

Февраль 26, 2021 10:25

Хабарҳои дигари ин бахш

Даври дуюми шаҳрии озмуни «Ҷоизаи давлатии Ҷумҳурии Тоҷикистон барои олимону омўзгорони фанҳои табиатшиносӣ, дақиқ ва риёзӣ» ҷамъбаст шуд
Мактаббачагони Тоҷикистон дар Олимпиадаи байналмилалии Менделеев оид ба химия ширкат меварзанд
Дар Суғд озмуни вилоятии «Турсунзодахонӣ» доир мешавад
«ҶИҲАТИ БАРТАРАФ НАМУДАНИ МУШКИЛОТИ МАВҶУДА ДАР ДОИРАИ ИМКОНИЯТИ МАВҶУДА…». Вокуниши Вазорати маориф ва илми Тоҷикистон ба мақолаи АМИТ «Ховар»
«УМЕДВОРИ ПИРӮЗИИ Ӯ МЕБОШЕМ!». Сафири Россия ба Манижа дар «Евровидение» муваффақият таманно кард
БУЗУРГИИ САНЪАТ ДАР МУСИҚӢ ВОЗЕҲТАР ИФОДА МЕЁБАД. Дар Душанбе консерти ғайриодӣ баргузор хоҳад шуд, ки ташкили онро расо даҳ сол пеш Пешвои миллат шахсан пешниҳод карда буданд
Дар Тоҷикистон аввалин намоишгоҳ-ярмаркаи «Study in Ukraine» баргузор гардид
Дар Бӯстон ба ифтихори 110-солагии Қаҳрамони Тоҷикистон Мирзо Турсунзода рамзи ҷашнӣ гузошта шуд
Жириновский гуфт, ки интиқоди ӯ аз композитсияи «Зани рус» ба матни суруд дахл дорад, на ба миллати овозхон Манижа
«Тасвири об дар асарҳои рассомони Тоҷикистон». Таҳти чунин унвон дар Осорхонаи таъриху кишваршиносии шаҳри Кӯлоб намоиш доир шуд
Дар Тоҷикистон навсозии заминаи моддӣ ва техникии муассисаҳои таълимии омӯзиши ибтидоии касбӣ идома дорад
11 апрел даври ҷамъбастии Озмуни ҷумҳуриявии гулҳо — «Сайри гули лола» бо шукӯҳу шаҳомати хосса таҷлил мешавад

Маводҳои таҳлилӣ