Гурӯҳи кории комиссияи Федератсияи футболи Тоҷикистон оид ба иҷозатномадиҳии бошгоҳҳо ба вилояти Суғд рафт

Февраль 9, 2021 14:02

ДУШАНБЕ, 09.02.2021 /АМИТ «Ховар»/. Гурӯҳи кории комиссияи Федератсияи футболи Тоҷикистон оид ба иҷозатномадиҳии бошгоҳҳо бо роҳбарии ноиби президенти ФФТ Алишер Урунов дар вилояти Суғд қарор дорад.

Тавре АМИТ «Ховар» бо истинод ба Федератсияи футболи Тоҷикистон хабар медиҳад, ин гурӯҳ аз мутахассисони самтҳои гуногун ташкил шуда, тибқи нақшаи корӣ, то 11 феврал аз дастаҳои лигаҳои олӣ ва якуми мамлакат боздид мекунад.

Дар марҳилаи аввали иҷозатномадиҳӣ комиссияи ФФТ ҳуҷҷатҳоро оид ба иҷрои талаботи муқаррароти иҷозатномадиҳӣ аз ҷониби бошгоҳҳои Лигаи олӣ аз рӯи меъёрҳои варзишӣ, инфрасохтор, кадрҳо, маъмурӣ, молиявӣ ва ҳуқуқӣ месанҷад.

Ҳамзамон яке аз вазифаҳои асосии комиссия- ин мулоқот бо раисони шаҳру ноҳияҳо ва вилоятҳо барои таҳлили футбол ва дастгирии ҳамаҷонибаи дастаҳои футболи саросари кишвар мебошад.

Зимни сафар комиссияи кории ФФТ тибқи натиҷаи санҷиши бошгоҳҳои футболи мамлакат камбудиҳои ҷойдошта ва роҳҳои бартараф намудани онҳоро ҷиҳати гирифтани иҷозатномаи зарурӣ нишон медиҳад.

Тибқи нақша. гурӯҳи кории комиссияи Федератсияи футболи Тоҷикистон оид ба иҷозатномадиҳии бошгоҳҳо тӯли се рӯз аз 6 дастаи вилояти Суғд — «Исфара» (Исфара), «Пахтакор» (Ҷаббор Расулов), «Истаравшан» (Истаравшан), «Равшан» (Зафаробод), «Хуҷанд» (Хуҷанд) ва «Эсхата» (Хуҷанд), ки дар мавсими нав дар лигаҳои олӣ ва якуми Тоҷикистон ширкат меварзанд, дидан мекунад.

Аъзои гурӯҳ дар рӯзи аввали корӣ аз шаҳри Исфара ва ноҳияи Ҷ.Расулов дидан намуданд.

АКС аз ФФТ

Февраль 9, 2021 14:02

Хабарҳои дигари ин бахш

Ширкати «Париматч Тоҷикистон» сарпарасти кулли Лигаи якум-2024 гардид
Варзишгарони ҷавони тоҷик дар мусобиқаҳои байналмилалӣ оид ба бокс дар Остона ва Боку сазовори медалҳои биринҷӣ гардиданд
Имрӯз мусобиқаи «Antalya Grand Slam-2024» оид ба ҷудо оғоз мешавад
Чемпионати 33-юми Тоҷикистон оид ба футбол байни дастаҳои Лигаи олӣ моҳи апрел оғоз мешавад
ШОҲҶОИЗА- ЭЛЕКТРОМОБИЛ. Дар Вилояти Мухтори Кӯҳистони Бадахшон мусобиқаҳои варзишӣ ҷамъбаст шуданд
ҶОМИ ҶАҲОН-2026. Бозии дастаҳои мунтахаби Тоҷикистон ва Арабистони Саудӣ мусовӣ анҷом ёфт
ҶОМИ ҶАҲОН-2026. Имрӯз дастаи мунтахаби Тоҷикистон дар Душанбе дар марҳилаи интихобӣ бо тими Арабистони Саудӣ бозӣ менамояд
ФУТБОЛ. Имрӯз бозии дуюми дӯстонаи дастаи олимпии Тоҷикистон (U-23) бо тими Ветнам баргузор мегардад
ҶОМИ ҶАҲОН-2026. Дастаи мунтахаби Тоҷикистон дар марҳилаи интихобӣ аз тими Арабистони Саудӣ мағлуб шуд
ҶОМИ ҶАҲОН-2026. Дастаи мунтахаби Тоҷикистон ба муқобили дастаи Арабистони Саудӣ бо либосҳои сурх бозӣ менамояд
26 март дар вилояти Суғд мусобиқаҳои миллии пойга ва бузкашӣ доир мешаванд
Гела Шекиладзе: «Моро бо дастаи Арабистони Саудӣ бозии душвор интизор аст»