«Нашрияҳои маҳаллӣ: имконият ва воқеият». Таҳти чунин унвон дар Хатлон машғулияти омӯзишӣ оғоз гардид

Февраль 24, 2021 13:00

ДУШАНБЕ, 24.02.2021 /АМИТ «Ховар»/. Имрӯз дар шаҳри Бохтари вилояти Хатлон дар мавзӯи «Нашрияҳои маҳаллӣ: имконият ва воқеият» бо иштироки 30 нафар сармуҳаррирони нашрияҳои даврии маҳаллии вилояти Хатлон машғулияти омӯзишии серӯза оғоз гардид.

Тавре аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» иттилоъ доданд, машғулияти омӯзишӣ бо ташаббуси мақомоти иҷроияи ҳокимияти давлатии вилояти Хатлон ва мусоидати Муассисаи давлатии «Академияи ВАО-и Тоҷикистон» сурат мегирад.

Муовини раиси вилояти Хатлон Фирӯза Шарифӣ иброз намуд, ки ҳадаф аз баргузории ин давраи омӯзишӣ- сайқал додани маҳорати нигорандагӣ, пешбурди фаъолияти идораи нашрияҳои маҳаллӣ бо дарназардошти тамоюлҳои нави журналистикаи муосир, мусоидат барои такмили ихтисоси сармуҳаррирон ва мухбирони суратгири нашрияҳои вилоятӣ ва шаҳрию ноҳиявӣ мебошад.

Тавре омӯзгори машғулияти омӯзишӣ аз Академияи ВАО Мухтор Боқизода зикр намуд, иштирокчиён давоми се рӯзи оянда доир ба нақши сармуҳаррир, ҷонишин ва котиби масъул дар идораи рӯзнома, дарёфт, дастрасӣ ва интихоби сарчашма, тартиби назорати ахбор, назокати таҳрир, ташхиси саҳеҳияти ахбори дастрасшуда, суратнигорӣ, тартиб додани композитсияи суратҳо ва дигар мавзӯъҳои мубрами фаъолияти рӯзноманигорӣ табодули афкору таҷриба менамоянд.

Мақомоти иҷроияи ҳокимияти давлатии вилояти Хатлон соли 2020 барои пешрафти фаъолияти нашрияву маҷаллаҳои вилоятӣ, шаҳру ноҳияҳои вилоят ва кафедраҳои рӯзноманигории донишгоҳҳои Бохтару Кӯлоб ҷамъан 36 адад компютер ва 36 адад принтер ба маблағи 156 ҳазору 600 сомонӣ харида, ба ҳар редаксия дастрас намуд. Ҳамзамон дар Рӯзи Президенти Ҷумҳурии Тоҷикистон ба маблағи умумии 171 ҳазору 700 сомонӣ 34 адад дастгоҳи аккосӣ барои бо сифати баланд гирифтани аксҳо харид шуда, ба масъулини нашрияҳои маҳаллӣ тақдим карда шуд.

Февраль 24, 2021 13:00

Хабарҳои дигари ин бахш

Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд