Шабонарӯзи охир дар ҷаҳон зиёда аз 286 ҳазор ҳолати сирояти коронавирус ошкор гардид
![](https://khovar.tj/wp-content/uploads/2021/02/sovid-mir-9.jpg)
ДУШАНБЕ, 23.02.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 286 ҳазор афзоиш ёфта, аз 112,26 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).
Ба ҳолати соати 10:00 (ба вақти Душанбе)-и 23 феврал, ба СУТ дар бораи 112 263 022 сироятшуда ва 2 485 384 фавт маълумот расидааст. Шумораи гирифторони ин беморӣ шабонарӯзи охир 286 116 нафар ва фавтидагон 6 522 нафар афзудааст.
Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 28 826 307. Баъд аз он Ҳиндустон (11 016 434), Бразилия (10 197 531), Россия (4 177 330), Британияи Кабир (4 126 150), Франсия (3 609 827), Испания (3 153 971), Италия (2 818 863), Туркия (2 646 526), Германия (2 399 500), Колумбия (2 229 663) ва Аргентина (2 069 751) қарор доранд.