Соли 2020 дар Ҳисор 11 корхонаву коргоҳи нав бо ташкили 230 ҷойи кор фаъол гардиданд

Февраль 13, 2021 11:28

ҲИСОР, 13.02.2021. /АМИТ «Ховар»/. Соли 2020 дар ҳудуди шаҳри Ҳисор 11 корхонаву коргоҳи нав бо ташкили 230 ҷойи кор ба фаъолият шурӯъ намуданд. Корхонаҳо асосан ба соҳаҳои саноати масолеҳи бинокорӣ, хӯрокворӣ ва дӯзандагӣ нигаронида шуда, барои таъмини бозори дохилӣ бо маҳсулоти истеҳсоли ватанӣ ва воридотивазкунанда мусоидат менамоянд. Айни замон дар шаҳри Ҳисор 74 адад корхонаҳои саноатӣ мавҷуданд, ки фаъолияти худро асосан дар самти истеҳсол ва коркарди маҳсулоти саноати сабук, нӯшокии машруботӣ, маҳсулоти нафтӣ, оҳан ва маводи сохтмонӣ ба роҳ мондаанд.

Дар ин бора раиси шаҳри Ҳисор Шарифҷон Ҷумъазода 12 феврал зимни нишасти матбуотӣ изҳори назар намуд.

Зикр шуд, ки соли 2020 ҳаҷми истеҳсоли маҳсулоти саноатӣ ба 261,7 миллион сомонӣ расонида шуда, суръати афзоиш бо дарназардошти нархҳои амалкунанда дар сатҳи 107,4 фоиз таъмин гардид.

Шарифҷон Ҷумъазода баён дошт, ки дар шаҳри Ҳисор бахшида ба ҷашни бузурги миллӣ- 30-солагии Истиқлоли давлатии Ҷумҳурии Тоҷикистон бунёди 767 иншоот ба нақша гирифта шудааст, ки то имрӯз 422 адади он ба истифода дода шудаанд.

Сармеъмори шаҳри Ҳисор Тоҷиддин Шамсуддинов зимни нишасти матбуотӣ ба мухбири АМИТ «Ховар» гуфт, ки баҳри дастгирии соҳибкорону сохторҳои буҷетии шаҳр ҷиҳати бунёди иншооти ҷашнӣ бо дастгирии раиси шаҳри Ҳисор ва Кумитаи меъморӣ ва сохтмони назди Ҳукумати Ҷумҳурии Тоҷикистон аз тарафи корхонаҳои лоиҳакашӣ ба 23 муассисаи таълимӣ, 17 иншооти тиббӣ ва зиёда аз 20 нафар соҳибкорону раисони маҳаллаҳо барои бунёди варзишгоҳҳо, чойхонаҳо, сартарошхонаҳо ва дигар намуди иншоот лоиҳаҳои ройгон дода шуданд. Маблағи умумии ин лоиҳаҳои  сохтмонӣ зиёда аз 450 ҳазор сомониро ташкил медиҳад.

Февраль 13, 2021 11:28

Хабарҳои дигари ин бахш

РӮЗИ ҶАҲОНИИ ОМОР. Тавассути омори расмӣ равандҳои муҳими иҷтимоӣ таҳлилу баррасӣ карда мешаванд
Нависандаи халқии Тоҷикистон Кароматуллоҳи Мирзо дар 83- солагӣ аз дунё даргузашт
Имрӯз дар водиҳои Тоҷикистон ҳаво то 30 дараҷа гарм мешавад
Дмитрий Семёнов: «Синамоҷашнвораи байналмилалии «Тоҷи Сомон» фазои ҳамкории байналмилалӣ фароҳам овард»
Имрӯз дар шаҳри Душанбе ҳаво то 26 дараҷа гарм мешавад
Дар Донишгоҳи техникии Тоҷикистон бахшида ба Иди Меҳргон ҳамоиш баргузор карда шуд
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Имконияти рушди хизматрасонии почта дар Тоҷикистон бо истифодаи нақлиёти барқӣ баррасӣ гардид
ZET-MOBILE рушди 5G-ро идома медиҳад: истгоҳҳои нави базавӣ ба истифода дода шуданд
Ҳайати Тоҷикистон дар Форуми сулҳи Фарғона дар Узбекистон иштирок намуд
Имрӯз дар водиҳои Тоҷикистон ҳаво то 29 дараҷа гарм мешавад
Меҳргон иди ҷамъбасти тобистону тирамоҳ ва оғози фасли зимистон аст