Тадбирҳои андешидашаванда натиҷа доданд, зеро дар Тоҷикистон сатҳи тамокукашӣ коҳиш меёбад
ДУШАНБЕ, 24.02.2021 /АМИТ «Ховар»/. Дар Тоҷикистон сатҳи тамокукашӣ сол то сол коҳиш меёбад, ки ин натиҷаи тадбирҳои андешидашаванда мебошад, зикр карданд коршиносони Вазорати тандурустӣ ва ҳифзи иҷтимоии аҳолии кишвар ва Созмони умумиҷаҳонии тандурустӣ (СУТ). Дар Душанбе 23 феврал татбиқи Конвенсияи чорчӯбавии СУТ оид ба мубориза бо тамоку дар Тоҷикистон муҳокима шуд.
Дар ҷумлаи тадбирҳои андешидашуда, меъёрҳои қонунгузорӣ: манъи тамокукашӣ дар биноҳои маъмурӣ, идораҳои корхонаҳои давлатӣ ва ғайридавлатӣ, дар даромадгоҳи биноҳои истиқоматӣ, лифтҳо, гузаргоҳҳои зеризаминӣ, фурудгоҳҳо, вокзалҳо, осоишгоҳҳо, хобгоҳҳо, қаҳвахонаҳо, тарабхонаҳо ва нақлиёти ҷамъиятӣ номбар шуданд. Дар кишвар инчунин фурӯши маҳсулоти тамоку дар масофаи то сад метр наздик ба биноҳои тандурустӣ, маориф, ҳифзи иҷтимоӣ, фарҳанг, варзиш ва ташкилоти динӣ мамнӯъ шудааст. Ба ашхоси то 18-сола фурӯхтани сигор мамнӯъ аст: агар фурӯшанда нисбат ба синни харидор шубҳа дошта бошад, ӯ ҳақ дорад аз ӯ санади дахлдор талаб кунад. Дар кишвар фурӯши дона-донаи маҳсулоти тамоку манъ аст. Ғайр аз ин, дар қаламрави Тоҷикистон мубодилаи маҳсулоти тамоку бо молҳо ва хидматҳои дигар ва тақсими ройгони он ба аҳолӣ манъ аст.
Намояндагони Вазорати тандурустӣ ва СУТ зикр карданд, ки тамокукашӣ яке аз омилҳои асосии хатари бемориҳои ғайриуфунӣ (саратон, бемориҳои дилу рагҳо ва ғайра) мебошад.
Тибқи маълумоти СУТ, ҳоло дар ҷаҳон тақрибан 1 миллиард мардҳо ва 250 миллион занҳо ҳар рӯз тамоку мекашанд.
Тамокукашӣ сабаби фавти 10% аҳолии калонсол дар ҷаҳон мебошад, ҳар сол 5,4 миллион нафар аз бемориҳои вобаста ба тамокукашӣ мефавтанд.
Соли 2010 бори нахуст Қонуни Ҷумҳурии Тоҷикистон «Дар бораи маҳдуд кардани истифодаи маҳсулоти тамоку» тасвиб шуд ва соли 2013 Тоҷикистон ба Конвенсияи чорчӯбавии Созмони умумиҷаҳонии тандурустӣ оид ба мубориза бо тамоку пайваст. Ин санад нахустин санади байналмилалӣ мебошад, ки ба маҳдуд кардани тамокукашӣ нигаронида шудааст ва аввалин шартномаи байналмилалие мебошад, ки таҳти сарпарастии Созмони умумиҷаҳонии тандурустӣ баста ва 16 сол пеш ба таври ҳатмӣ иҷрошаванда гардид.
Дар Кӯлоб аксари иншооти аз офати табиӣ осебдида барқарор гардида, оилаҳои зарардида соҳиби хонаҳои нав мешаванд
Дар Душанбе Форуми соҳибкории занон, сармоягузорӣ ва технология оғоз гардид
ТАЪТИЛИ ТОБИСТОНА. 24 истироҳатгоҳи мавсимии беруназшаҳрӣ барои қабули кӯдакону наврасон омода мебошанд
Дар ноҳияи Айнӣ пайомадҳои офати табиӣ бартараф мегарданд
Нахустин ҷаласаи Раёсати Шурои ҷамъиятии «Занони Тоҷикистон» баргузор шуд
Дар шаҳри Хуҷанд мавсими нави оббозӣ дар шиногоҳи соҳили дарёи Сир оғоз гардид
ОГОҲӢ! Аз 3 то 5 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Самтҳои афзалиятноки ҳамкорӣ дар соҳаи таҳсилоти касбӣ бо Намояндагии ЮНИСЕФ дар Тоҷикистон баррасӣ гардид
ҶОИЗАИ БАЙНАЛМИЛАЛИИ АБУАЛӢ ИБНИ СИНО. Нобиғае, ки аз замони худ садсолаҳо пештар меандешид
Ширкати «IRS»: «Ҳаракати нақлиёт дар роҳи Душанбе – Чаноқ таъмин аст»
ШАРБАТИ САЛОМАТӢ. Олимони тоҷик истеъмоли онро барои пешгирии бемориҳои камхунӣ, ҷоғар ва диабет тавсия медиҳанд
СИРИШТИ СИНОИИ ПЕШВОИ МИЛЛАТ. Дар ҳошияи таъсиси Ҷоизаи байналмилалии Абуалӣ ибни Сино дар соҳаи тиб
