Тибқи барномаҳои нави таълимӣ дар асоси стандарти салоҳияти касбӣ курси омӯзишӣ оғоз шуд
ДУШАНБЕ, 15.02.2021 /АМИТ «Ховар»/. Дар доираи Лоиҳаи «Тақвияти таҳсилоти касбӣ-техникӣ ва омӯзиш», ки барномаҳои нави таълим дар асоси стандартҳои салоҳияти касбӣ амалӣ карда мешаванд, курси омӯзишӣ оғоз гардид.
Тавре аз маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ доданд, таълим дар асоси салоҳият- ин технологияи муосири таҳсилоти ибтидоии касбӣ буда, кафолати тайёр намудани мутахассисони баландихтисоси коргарро дар асоси талаботи воқеии бозори меҳнат таъмин менамояд.
Дар натиҷаи санҷиш 40 таълимгиранда баъд аз гузаштан аз баҳодиҳӣ соҳиби шаҳодатнома бо рамзи байналмилалӣ мешаванд. Тасдиқи санҷиши барномаҳои модулӣ барои касбҳои «Кафшергари газию барқӣ» ва «Қаннод» гузаронида шуда, пас аз санҷиши барномаҳои номбурда ба онҳо пешниҳоду навгониҳо ворид карда мешаванд.
Дар ниҳоят барномаҳои ислоҳшуда ба Маркази таълимӣ-методӣ ва мониторинги сифати таълим барои таҳлил ва тасдиқ пешниҳод мегарданд.
Мавриди зикр аст, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми солонаи хеш ба Маҷлиси Олии Ҷумҳурии Тоҷикистон ба масъалаҳои омода намудани кадрҳои баландихтисос ва мутахассисони ҷавобгӯ ба бозори меҳнат таваҷҷуҳи хосса зоҳир намуданд, ки ин моро вазифадор менамояд ҷиҳати баланд бардоштани сифати таълим дар муассисаҳои касбомӯзӣ тадбирҳои зарурӣ роҳандозӣ намоем.
Дар дунёи муосир раванди тайёр намудани мутахассисон бо назардошти талаботи бозори меҳнат бо истифодаи методологияи таълим дар асоси салоҳияти касбӣ амалӣ карда мешавад. Бо ин мақсад дар доираи лоиҳаи «Тақвияти таҳсилоти касбӣ-техникӣ ва омӯзиш» дар якҷоягӣ бо корфармоён стандартҳои салоҳияти 17 касби коргарӣ таҳия шуда, аз ташхиси корфармоён ва вазоратҳои соҳавӣ гузаронда шуданд.
Ёдовар мешавем, ки ҳадафи асосии лоиҳа навовар намудани методологияи тайёр намудани мутахассисон барои истеҳсолоти миллии Ҷумҳурии Тоҷикистон мебошад. Ғайр аз ин лоиҳа барои мусоидат дар мустаҳкам намудани заминаҳои моддӣ-теникӣ, барқарорсозии инфрасохторҳои литсейҳои касбии техникӣ ва марказҳои таълими калонсолони Вазорати меҳнат, муҳоҷират ва шуғли аҳолии Ҷумҳурии Тоҷикистон ва ба ин васила омода намудани мутахассисони баландихтисоси ҷавобгӯ ба талаботи бозори меҳнат равона гардидааст.
Амалигардонии лоиҳа ба дӯши Вазорати меҳнат, муҳоҷират ва шуғли аҳолии Ҷумҳурии Тоҷикистон гузошта шуда, дар назди вазорат Гурӯҳи идоракунии лоиҳа фаъолият дорад.
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
