АМИТ «Ховар» муҳлати озмун барои дарёфти хабарнигорон, муҳаррирон ва тарҷумонҳоро то 20 март тамдид намуд

ДУШАНБЕ, 05.03.2021. /АМИТ «Ховар»/. Агентии миллии иттилоотии Тоҷикистон «Ховар» озмун барои дарёфти хабарнигорони бомаҳорат, муҳаррирони бахши русӣ, тарҷумонҳои бахши русӣ-тоҷикиро то 20 марти соли 2021 тамдид намуд.

Дар озмун ҷавонписарону духтарони аз 20 то 50-сола, ки дорои маълумоти олӣ мебошанд, иштирок карда метавонанд.

Озмун тариқи суҳбат гузаронида мешавад.

Барои иштирок дар Озмун малакаи навиштани маводҳо дар жанрҳои иттилоотию таҳлилӣ (хабар, гузориш, мусоҳиба, мақола) маҳорати кор бо технологияҳои муосири иттилоотӣ, донистани забони давлатӣ ҳатмист. Ба донандагони забонҳои русӣ, англисӣ ва дигар забонҳои хориҷӣ афзалият дода мешавад.

Довталабон бояд ба Комиссияи қабул ҳуҷҷатҳои зеринро пешниҳод намоянд:

• Ариза
• Варақаи шахсии баҳисобгирии кадрҳо.
• Шарҳи ҳол
• 3 дона расми 3х4
• Нусхаи ҳуҷҷатҳои тасдиқкунандаи таҳсилот
• Нусхаи дафтарчаи меҳнатӣ
• Маълумотнома оид ба вазъи саломатӣ (шакли 038)
• Нусхаи шиноснома
• Нусхаи гувоҳнома аз мақомоти андоз (Рақами мушаххаси андозсупоранда, РМА)

Суроға: ш. Душанбе, кўчаи Саъдии Шерозӣ 16, АМИТ «Ховар»

Телефон барои маълумот: 238-55-79, 223-23-83

Қабули ҳуҷҷатҳо то 20 марти соли 2021

Ҳуҷҷатҳои пешниҳоднамудаи довталабоне, ки барои суҳбат иҷозат дода нашудаанд ё аз озмун нагузаштаанд, дар асоси муроҷиати довталаб бо гирифтани забонхат баргардонида мешаванд.