Ба шарафи Наврӯз дар қисмҳои ҳарбии Гвардияи миллӣ мусобиқаҳои зеҳнӣ-ҳарбӣ ва варзишӣ доир мешаванд

Март 17, 2021 10:04

ДУШАНБЕ, 17.03.2021 /АМИТ «Ховар»/. Ба шарафи ҷашни Наврӯзи Аҷам ва бо мақсади тарғиби анъанаҳои миллӣ, тақвият додани қобилияти варзишӣ, тарбияи худшиносӣ ва баланд бардоштани маҳорату малакаи касбии хизматчиёни ҳарбӣ аз 16 то 20 март дар қисмҳои ҳарбии Гвардияи миллӣ мусобиқаҳои зеҳнӣ-ҳарбӣ ва варзишӣ баргузор мегарданд, ки дар онҳо афсарону сарбозони ҷузъу томҳо қувваозмоӣ мекунанд.

Тавре аз шуъбаи иттилоот ва робита бо ҷомеаи Гвардияи миллии Ҷумҳурии Тоҷикистон ба АМИТ «Ховар» хабар доданд, сабқатҳои зеҳнӣ — ҳарбӣ ба таври саволу ҷавоб, суҳбату вохӯриҳо аз таърихи Наврӯз, расму оини ниёгон, эҳёи анъанаҳои миллӣ дар замони истиқлол ва мусобиқаҳои варзишӣ аз намуди футбол, волейбол, турниккашӣ, вазнбардорӣ, давидан ба масофаи 100м, 3000м, гӯштини миллӣ, гузаштани хати монеаҳо, зинабароӣ бо чӯб (эстафета), ба қисмҳо ҷудо ва ҷамъ кардани силоҳ ва тирпаронӣ аз аслиҳаи гуногун дар ду гурӯҳ: байни афсарон ва сарбозони тибқи даъват гузаронида мешаванд.

Ҳамзамон дар қисмҳои ҳарбӣ бо иштироки Оркестри ҳарбӣ ва дастаи ҳунарии Гвардияи миллӣ барномаи консертии наврӯзӣ баргузор мегардад. Ҷамъбасти мусобиқаҳои варзишӣ ва баргузории сабқати паҳлавонӣ, яъне гӯштини миллӣ дар базмгоҳи наврӯзии гурдон ба нақша гирифта шудааст, ки дар як қисми ҳарбӣ бо пешниҳоди барномаи ҷолиби фарҳангӣ-фароғатӣ гузаронида мешавад.

Бояд гуфт, ки аз ибтидои соли 2021 хизматчиёни ҳарбии Гвардияи миллӣ дар идомаи корҳои ободониву сабзазоркунӣ бахшида ба ҷашни 30-солагии Истиқлоли Тоҷикистон 2150 бех дарахтони сояафкану мевадиҳанда ва 1760 бех гулу буттаҳои ороишӣ шинондаанд.

Дар ҳудуди қисмҳои ҳарбӣ ва биноҳои истиқоматии хизматӣ тозаву озода намудани кӯча, ҷӯйҳо ва атрофи иншооти хизматӣ ҳар ҳафта ба роҳ монда шуда, масъулин ин корҳоро ба амали доимиву дастаҷамъона табдил додаанд.

Март 17, 2021 10:04

Хабарҳои дигари ин бахш

Дар Маркази такмили ихтисоси кормандони соҳаи тарбияи ҷисмонӣ ва варзиш машғулияти омӯзишӣ оғоз гардид
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид