Бо дастгирии Пешвои миллат занон — бонувон дар рушди бонкдории Тоҷикистон саҳми назаррас мегузоранд

Март 6, 2021 12:20

ДУШАНБЕ, 06.03.2021 /АМИТ «Ховар»/. Айни замон аз теъдоди умумии кормандони Бонки миллии Тоҷикистон 247 нафар ё 31 фоизро занон ташкил медиҳанд, ки аз ин шумора 36 нафар ё 24 фоиз дар вазифаҳои роҳбарикунанда кор карда, 6 нафар соҳиби дараҷаи илмӣ — номзади илм ва 1 нафар доктори илм (PhD) мебошанд. Чунин зикр шуд дар маҷлиси тантанавие, ки ба ифтихори Рӯзи Модар дар Бонки миллии Тоҷикистон доир гардид.

Раиси Бонки миллии Тоҷикистон  Ҳоким Холиқзода бонувони корманди бонкро ба муносибати Рӯзи Модар самимона табрик намуда, ба онҳо саломатию хушбахтӣ, рӯзгори пурсаодат орзу намуд. Зикр гардид, ки зан – модар сарчашмаи меҳру вафо, нахустин мураббию муаллими фарзанд, азизтарин шахсияти рӯи замин буда, сазовори ихлосу эҳтиром ва муҳаббату ғамхории доимӣ мебошад. Худованд ба модар қудрате ато фармудааст, ки офарандаи зиндагӣ, меҳру муҳаббат, нуру зиё ва чароғи мунаввари ҳар хонадон бошад. Маҳз мақому манзалати волои модар, заҳмату шабзиндадориҳои ӯ ва рафтори неку пурмуҳаббаташ  нисбат ба наслҳои башарият боис гардид, ки дар ҳама давру замон модарро ҳамчун бузургтарин ва муқаддастарин инсон  дӯст доранд ва азиз шуморанд», — иброз дошт Ҳоким Холиқзода.

Зикр гардид, ки бо ташаббуси Президенти Ҷумҳурии Тоҷикистон муҳтарам Эмомалӣ Раҳмон ҷашни расмии давлатӣ эълон шудани Рӯзи Модар дар Тоҷикистон барои боз ҳам баланд бардоштани мақоми зан – модар дар ҷомеаи мо мусоидат намуд. Ҳамчунин мояи фараҳмандист, ки Пешвои муаззами миллат дар ҳар суҳбату мулоқот ва суханронии худ нисбат ба модарон ва занону бонувон таваҷҷуҳи хос зоҳир намуда, ин қишри ҷомеаро ҳамеша ҳамчун неруи ташаббускор, масъулиятшинос ва кордону заҳматписанд эҳтиром, эътироф ва дастгирӣ мекунанд.

Раиси Бонки миллии Тоҷикистон Ҳоким Холиқзода тазаккур дод, ки имрӯз дар ҷомеаи Тоҷикистон бахше нест, ки дар он занон-модарон фаъолият надошта бошанд. Ҳоло, хушбахтона, занону модарони мо дар қатори мардон дар тамоми соҳаҳо пурсамар фаъолият доранд ва боварӣ дорем, ки минбаъд низ бо дарки баланди масъулият дар ҳаёти сиёсию иҷтимоӣ ва фарҳангии ҷомеа фаъолона иштирок карда, кӯшиш ба харҷ медиҳанд, ки бо азму иродаи қавӣ ва камоли кордонию ҳисси масъулият дар пешрафту ободии Тоҷикистон саҳм гузоранд.

Март 6, 2021 12:20

Хабарҳои дигари ин бахш

ҚУРБИ АСЪОР: дар Тоҷикистон 1 евро аз 11.1532 то 11.2000 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1198 то 0.1220 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.6047 то 9.6500 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1189 то 0.1210 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.5549 то 9.6500 сомонӣ муқаррар шудааст
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
ҚУРБИ АСЪОР: дар Тоҷикистон 1 рубли русӣ аз 0.1171 то 0.1195 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.3681 то 9.4300 сомонӣ муқаррар шудааст
Дар Душанбе масъалаҳои омодагӣ ва баргузории ҷаласаи 67-уми Шурои электроэнергетикии ИДМ муҳокима гардид
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
ҚУРБИ АСЪОР: дар Тоҷикистон 1 евро аз 10.9278 то 11.1000 сомонӣ муқаррар шудааст