Байни Вазорати молияи Тоҷикистон ва Бонки аврупоии таҷдид ва рушд Ёддошти тафоҳум ба имзо расонида шуд
ДУШАНБЕ, 15.09.2026 /АМИТ «Ховар»/. Байни Вазорати молияи Ҷумҳурии Тоҷикистон ва Бонки аврупоии таҷдид ва рушд оид ба харитаи роҳи стратегии сармоягузории бисёрсола Ёддошти тафоҳум ба имзо расонида шуд. Дар ин хусус АМИТ «Ховар» бо истинод ба Вазорати молияи ҷумҳурӣ хабар медиҳад.
Ёддошти тафоҳум 14 сентябр дар шаҳри Лондони Британияи Кабир дар ҳошияи Конфронси байналмилалии J.P. Morgan зимни мулоқоти Вазири молияи Ҷумҳурии Тоҷикистон Файзиддин Қаҳҳорзода бо Президенти Бонки аврупоии таҷдид ва рушд хонум Одил Рено-Бассо имзо гардид.
Ёддошти тафоҳум ҳамкориро барои давраи солҳои 2026–2030 муайян намуда, рушди устувории соҳаҳои энергетика, аз ҷумла энергияи барқароршаванда ва кам намудани талафоти неруи барқ, обёрӣ, беҳтар намудани идоракунии иқтисодӣ ва таъмини самаранокии корхонаҳои давлатӣ, ҷалби сармояи хусусӣ, беҳтар намудани пайвастагии нақлиётӣ, сохтмони муассисаҳои таълимӣ, рақамикунонӣ ва тақвияти иқтидори омодасозии лоиҳаҳоро фаро мегирад.
Дар анҷоми мулоқот ҷонибҳо омодагии худро барои густариши минбаъдаи ҳамкорӣ дар самтҳои пешниҳодшуда иброз намуданд.
АКС: Вазорати молияи Ҷумҳурии Тоҷикистон
Кормандони Бонки миллии Тоҷикистон бо ҷараёни сохтмони Неругоҳи барқи обии «Роғун» шинос шуданд
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
ҚУРБИ АСЪОР: 1 рубли русӣ аз 0.1000 то 0.1104 сомонӣ муқаррар шудааст
Дар ноҳияи Дӯстӣ ҷамъоварии шолӣ оғоз гардид
ОМОДАГӢ БА ЗИМИСТОН. Муассисаҳои тандурустии вилояти Суғд ба мавсими сармо омода мебошанд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Боғпарварони ноҳияи Лахш имсол ҳосили фаровони мева мерӯёнанд
Энергетикҳои тоҷик дар Латвия оид ба рақамикунонии соҳаи энергетика табодули таҷриба намуданд
«Шоҳин Эйрлайнз» нахустин ҳавопаймои худ — L-410 NG-ро муаррифӣ намуд
Ҳаҷми гардиши савдои хориҷии Тоҷикистону Русия дар ҳашт моҳ ба 1 миллиарду 676,5 миллион доллар расид
Тоҷикистон ва Қатар ҳамкорӣ дар самти сармоягузориро тақвият медиҳанд
