Дар Душанбе мусобиқаи ҷумҳуриявии гӯштини миллӣ барои дарёфти Ҷоми «Пойтахт-2021» ҷараён дорад
ДУШАНБЕ, 21.03.2021 /АМИТ «Ховар»/. Имрӯз дар шаҳри Душанбе бахшида ба Иди байналмилалии Наврӯз дар Муассисаи давлатии «Наврӯзгоҳ»-и пойтахт мусобиқаи ҷумҳуриявии гӯштини миллӣ «Гӯштингирӣ» барои дарёфти Ҷоми «Пойтахт-2021» аз рӯи вазнҳои то 65 кг, 75 кг, 90 кг ва +90 кг ҷамъбаст мегардад. Ғолибони мусобиқаи мазкур аз ҷониби мақомоти иҷроияи ҳокимияти давлатии шаҳри Душанбе бо шоҳҷоизаҳо — 4 автомашинаи сабукрав, Ҷоми «Пойтахт-2021» ва туҳфаву ифтихорномаҳо мукофотонида мешаванд.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, мусобиқаи ҷумҳуриявии гӯштини миллӣ «Гӯштингирӣ» бо қарори Раиси шаҳри Душанбе аз 11 марти соли 2021 баргузор гардида истодааст.
Дар мусобиқаи мазкур қариб 130 варзишгар аз ВМКБ, вилоятҳои Суғду Хатлон, шаҳру ноҳияҳои тобеи ҷумҳурӣ ва шаҳри Душанбе ба ҳам омада, дар вазнҳои гуногун қувваозмоӣ намуданд.
Мусобиқа мазкур тибқи қоидаҳои муқаррарнамудаи Федератсияи миллии «Гӯштингирӣ»-и Ҷумҳурии Тоҷикистон ҷараён дорад.
Ҳадафи асосӣ аз роҳандозӣ намудани ин мусобиқаҳои варзишӣ ташвиқу тарғиб ва рушду равнақи варзиш, таъмини оммавияти варзишу солимгардонии сокинони пойтахт ва дар сатҳи баланди ташкилӣ таҷлил намудани ҷашни миллӣ — Наврӯзи Аҷам мебошад.
Ёдовар мешавем, ки бахшида ба Иди Наврӯз баргузор намудани мусобиқаҳои гӯштингирӣ ва пойгаи аспдавонӣ дар пойтахт ба ҳукми анъана даромадааст.
Аввалин истеъфои сармураббӣ дар лигаи олии футболи Тоҷикистон дар мавсими имсола
Пирӯзии аввалин ва таърихии «Истиқлол» дар Лигаи чемпионҳои Осиё
Лигаи чемпионҳои КФО-2021: имрӯз «Истиқлол» бозии дуввумро дар марҳилаи гурӯҳӣ анҷом медиҳад
Бахшида ба Рӯзи пойтахт таҳти унвони «Аҷаб шаҳри дилороӣ, Душанбе!» барномаи фарҳангӣ доир гардид
Ғолибони Ниммарафони ХI байналмилалии Душанбе-2021 муайян гардиданд
Дастаи мунтахаби Тоҷикистон бо дастаҳои мунтахаби Ироқ ва Тайланд бозиҳои дӯстона доир менамояд
ФУТБОЛ. «Истиқлол» бозӣ дар Лигаи чемпионҳоро бо гирифтани имтиёз оғоз намуд
Ғолибони Мусобиқаи кушоди футболи хурд барои дарёфти «Ҷоми Раиси шаҳри Душанбе» муайян шуданд
«АҶАБ ШАҲРИ ДИЛОРОӢ, ДУШАНБЕ». Таҳти ин унвон бахшида ба Рӯзи пойтахт барномаи фарҳангӣ доир мегардад
Дастаи вилояти Суғд ғолиби Чемпионати ҷумҳуриявӣ оид ба дастхобонӣ гардид
Барои ҳавасмандгардонии ғолибони озмуни Стипендияи Раиси шаҳри Душанбе чорсаду ҳаштоду чор ҳазору ҳаштсад сомонӣ ҷудо гардид
ФУТБОЛ. Замони бозиҳои Лигаи якуми Тоҷикистон муайян гардид
