Дар Шаҳринав лоиҳаи нави меъморӣ — «I love Shahrinav» амалӣ гардид
ДУШАНБЕ, 09.03.2021 /АМИТ «Ховар»/. Ба пешвози ҷашни бузурги миллӣ — 30-солагии Истиқлоли давлатӣ дар ноҳияи Шаҳринав обидаи нави меъморӣ бо номи «I love Shahrinav» («Ман Шаҳринавро дӯст медорам») насб карда шуд. Лоиҳаи нави меъморӣ дар ҳалқагардиши сари пули Қаратоғ, воқеъ дар шоҳроҳи Душанбе — Турсунзода амалӣ гардид.
Обидаи «I love Shahrinav» иқдоми навбатии раиси ноҳия буда, ҳамчун рамзи изҳори муҳаббат ба Шаҳринав насб гардидааст. Корҳо дар самти эҷоди он чанд моҳ пеш бо дастури раиси ноҳия оғоз гардида буданд.
Мавриди зикр аст, ки дар назди ин обида корҳои сохтмонӣ, аз қабили насби лӯлаҳои обгузар барои пошидани об ба гулу буттаҳои ороишӣ, ки дар назди ин лоиҳаи нави меъморӣ шинонида мешаванд, бо маром идома доранд.
Акнун бо дидани ҳарфҳои барҷаста ва хондани ин навишта, бешак дар вуҷуди ҳар сокини ноҳияи Шаҳринав эҳсосе пайдо мешавад, ки диёри хешро бояд дӯст дошт. Лоиҳаи мазкур дар даврони соҳибистиқлолии мамлакат дар бештари шаҳру ноҳияҳо амалӣ шуд, ки ин даъватест барои дӯст доштани ҳар зарра хоки поки Ватан.
Умед аст, ки бо гузоштани ин обидаи пур аз меҳр ин гӯшаи ноҳия ободу зебо гардида, макони истироҳати сокинон хоҳад шуд.
Имрӯз дар шаҳри Душанбе ҳаво то 27 дараҷа гарм мешавад
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
