Қодири Қосим: Навсозии роҳи сатҳи байналмилалии Дарвоз-сарҳади ноҳияи Рӯшон аз моҳи июн шурӯъ мешавад

Март 20, 2021 10:47

ХОРУҒ, 20.03.2021 /АМИТ «Ховар»/. Дар мулоқот бо сокинони Ҷамоати деҳоти Сучони ноҳияи Шуғнон муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим изҳор дошт, ки «сокинони баъзе деҳоти ин ҷамоат бар асари тармафуроӣ ва дар фасли зимистон зуд-зуд баста  шудани роҳҳо бо мушкилот рӯ ба рӯ мегарданд. Аз ин рӯ имсол дар деҳаи Барсеми ҳамин ҷамоат сохтмони долонҳои зиддитармавӣ оғоз гардида, ҳамзамон навсозии роҳи сатҳи байналмилалии Дарвоз- сарҳади ноҳияи Рӯшон низ аз моҳи июн шурӯъ мешавад». 

Ёдовар мешавем, ки чанд рӯз аст вакилони Маҷлиси намояндагони Маҷлиси Олии Ҷумҳурии Тоҷикистон нуктаҳои Паёми Пешвои миллат муҳтарам Эмомалӣ Раҳмон «Дар бораи  самтҳои асосии сиёсати дохилӣ ва хориҷии кишвар»-ро ба сокинони ноҳияҳои Дарвозу Ванҷ ва  Ишкошим шарҳ медиҳанд.

Тавре мухбири минтақавии АМИТ “Ховар” хабар медиҳад, муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим бо сокинони  ноҳияҳои Дарвозу Ванҷ мулоқот намуда, доир ба  муҳтавои асосии Паёми Пешвои миллат чунин изҳори андеша намуд: “Мақсаду мароми  ҳар  сатри ин ҳуҷҷати тақдирсоз  ҳарчӣ бештар  баланд бардоштани сатҳу сифати зиндагии мардум мебошад. Барои муҳайё намудани зиндагии шоиста барои шаҳрвандони кишвар дар назди Ҳукумати ҷумҳурӣ вазифа гузошта шуд, ки дар зарфи чанд соли оянда бо истифода аз таҷрибаи ҷаҳонӣ корхонаҳои хурду  бузурги саноатӣ бунёд карда шаванд. Ин тадбир аз як сӯ, агар пеши роҳи молҳои зиёди воридотиро гирад, аз сӯи дигар, садҳо ҷои кориро барои шаҳрвандон фароҳам меорад. Танҳо соли гузашта дар кишвар 300 коргоҳу корхонаи нави саноатӣ бо беш аз 6 ҳазору 500 ҷойи корӣ мавриди истифода қарор гирифтанд”.

Зикр шуд, ки дар Паёми Пешвои миллат ҳамчунин таъкид гардид, ки 75 фисади аҳолӣ дар деҳот зиндагӣ мекунад ва 24 фоизи маҳсулоти хоҷагии халқ маҳз дар деҳот тавлид меёбад. Бинобар ин Пешвои миллат дар Паёми имсолаи худ дар баробари инкишофи соҳаҳои дигари хоҷагии халқи мамлакат ба соҳаи кишоварзӣ таваҷҷуҳи ҷиддӣ зоҳир карда, тамоми корхонаҳои соҳаи кишоварзиро аз андози замин озод намуданд. Ноҳияи Ванҷ яке аз ноҳияҳои асосии кишоварзии вилоят буда, сабзавоту меваҷоти ин ноҳия аз ҷиҳати таъму мазза дар бозорҳои вилоят ва ҷумҳурӣ харидорони зиёд доранд. Ин тадбир ба кишоварзон имконият медиҳад, ки соли равон истеҳсоли меваю сабзавотро боз ҳам бештар гардонанд.

Бояд зикр кард, ки дар солҳои соҳибистиқлолӣ дар соҳаи нақлиёти кишвар 53 лоиҳаи давлатии сармоягузорӣ ба маблағи 20,3 миллиард сомонӣ амалӣ гардида, беш аз 2 ҳазору 200 километр роҳҳои дорои аҳамияти байналмилалӣ аз нав бунёд ва ба истифода дода шуданд. Дар ин раванд солҳои наздик боз зиёда аз 1 ҳазору 500 километр роҳҳои байналмилалӣ мавриди баҳрабардорӣ қарор мегиранд.

Дар анҷом аз   сокинони сарбаланди ин гӯшаи Ватан даъват карда шуд, ки дар корҳои ободонию созандагӣ ба истиқболи ҷашни фархундаи 30-солагии Истиқлоли давлатӣ фаъолона ширкат намуда, дар ободонии диёрашон саҳм гузоранд.

Март 20, 2021 10:47

Хабарҳои дигари ин бахш

Дар иҷлосияи Маҷлиси намояндагон Созишнома дар бораи таҳкими алоқаи байниҳамдигарии нақлиёти рӯйизаминӣ дар Осиёи Марказӣ ба тасвиб расид
Натиҷаи интихоботи даъвати нави аъзои Маҷлиси миллии Маҷлиси Олӣ дар ҳавзаҳои интихоботии бисёрмандатӣ тасдиқ гардид
Дар Парлумон ба муносибати ҷашни Наврӯз ҳамоиш баргузор гардид
Имрӯз иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир мешавад
Маҳмадтоир Зокирзода: «Даъвати шашум давраи беҳтарин дар корномаи касбии вакилон мебошад»
Иҷлосияи Маҷлиси намояндагони Маҷлиси Олии Ҷумҳурии Тоҷикистон баргузор гардид
Пагоҳ иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор мегардад
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум 19 март баргузор мегардад
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум 19 март баргузор мегардад
Иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум 19 март баргузор мегардад
Рӯйхати вакилон ба Маҷлиси намояндагони Маҷлиси Олии Ҷумҳурии Тоҷикистон тасдиқ гардид
Эмомалӣ Раҳмон: «18 нафар занон ҳамчун вакили Маҷлиси намояндагон ва 747 нафар ба маҷлисҳои маҳаллӣ интихоб шуданд»