Таҷлили ботантанаи ҷашни Наврӯзи байналмиллалӣ дар Донишкадаи кӯҳию металлургии Тоҷикистон

Март 19, 2021 10:38

ДУШАНБЕ, 19.03.2021 /АМИТ «Ховар»/. Имрӯз дар Донишкадаи кӯҳию металлургии Тоҷикистон  чорабинии идона бахшида ба ҷашни Наврӯзи байналмиллалӣ-иди бузурги тоҷикон баргузор гардид, ки дар он ҳама донишҷӯёну омӯзгорон бо ташкили газетаи деворӣ ва гузоштани мизи мудаввар бо 7 сину 7 шин дар саҳни донишкада ба ин рӯз омода шуда буданд.

Чорабиниро нахуст ректори донишкада н.и.и.,дотсент Бахтиёр Маҳмадалӣ ифтитоҳ намуда, ҳайати профессорию омӯзгорӣ ва ҳозиринро ба рӯзи Наврӯзи байналмиллалӣ табрик намуданд. Ректори донишкада аз саҳми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар эҳё ва ҷаҳонӣ гардонидани Наврӯз сухан ронда, аз таърихи пайдоиши ин ҷашн ва ҳамчунин ёдоварди таърихии он маърӯза хонданд. Муҳтарам Бахтиёр Маҳмадалӣ қайд намуданд, ки имрӯзҳо дар тамоми ҷаҳон Наврӯз ҷашн гирифта мешавад, ки дар ин саҳми Пешвои муаззами миллат муҳтарам Эмомалӣ Раҳмон басо бузург аст ва аксарияти кишвари Наврӯзро пас аз байналмиллалӣ эълон гардидани он ҷашн мегиранд, ки ин фахри мо тоҷикону тоҷикистониён ва сокинони ҳавзаи Наврӯз мебошад.

Пас аз суханронӣ ректори донишкада  н.и.и.,дотсент Бахтиёр Маҳмадалӣ  ба як қатор омӯзгорон ва кормандони фаъоли донишкада ифтихорномаву сипосномаҳо тақдим намуданд.

Ҳамчунин, дар чорабинии имрӯза тибқи одати маъмул бозиҳои наврӯзӣ гузаронида шуд, ки аз ҷониби ҳакамон ба ғолибони ин мусобиқаҳо тӯҳфаҳои раёсат супорида шуд.

Дар қисмати дуюми чорабинӣ сурудхонии ҳофизони машҳури шаҳри Бӯстон ва донишҷӯёни фаъоли гурӯҳи эҷодии “Ҷилои ёқут”-и донишкада ҳунарнамоӣ намуданд.

Дар интиҳои чорабинии идона ректори донишкада н.и.и.,дотсент Бахтиёр Маҳмадалӣ барои омодагӣ ва ташкили чорабинӣ ба ҳамагон изҳори сипосмандӣ намуда, бо хондани байтҳои машҳури назмӣ дар бораи баҳор ва Наврӯз аз эҷодиёти гузаштагон ҳамагонро ба ҷашни Наврӯзи байналмиллалӣ самимона табрик намуданд.

Март 19, 2021 10:38

Хабарҳои дигари ин бахш

Ба соҳибкори муваффақи тоҷик аз ҷониби Президенти Қазоқистон Медали ҷашнӣ ва Ифтихорномаи фахрӣ супорида шуд
Дар Хатлон нахустин бозиҳои мусобиқаи кӯдаконаи футбол баргузор шуданд
НАҚЛИЁТИ «САБЗ». Ба Тоҷикистон 6047 мошини барқӣ ворид карда шудааст
Кӯчати мағзи устухон дар ҳолати саратони хун ва бемориҳои гематологӣ дар шабакаи клиникаҳои «Acıbadem»
Имрӯз дар шаҳри Душанбе ҳаво то 31 дараҷа гарм мешавад
Барои барқарор намудани чарогоҳҳои водии Рашт 20 намуди тухмиҳои бутта ва дарахтон парвариш карда мешаванд
Дар Ҳисор маҳфил – озмуни «Тоҷикистони ман!» оғоз гардид
Имсол дар Хатлон қариб 500 ҳазор тонна пиёз ҷамъоварӣ карда мешавад
Дар шаҳраки Обшорони ноҳияи Мастчоҳ татбиқи лоиҳаи обрасонӣ оғоз ёфт
Имрӯз дар водиҳои Тоҷикистон ҳаво то 34 дараҷа гарм мешавад
ҲАФТАИ ИЛМ – 2025. Донишгоҳи байналмилалии сайёҳӣ ва соҳибкории Тоҷикистон аз муҳимтарин дастовардҳо натиҷагирӣ намуд
Дар ноҳияи Рӯдакӣ дурнамои кишти чигит сари вақт иҷро мегардад