ТАҚВИМИ АМИТ «ХОВАР»: имрӯз 8 март, душанбе, 68-умин рӯзи соли 2020 аст

Март 8, 2021 08:00

8 сол пеш, 8 марти соли 2011 дар мулоқоти Президенти Ҷумҳурии Тоҷикистон Эмомалӣ Раҳмон ва Сарвазири вақти Ҷумҳурии Исломии Покистон Юсуф Ризо Гелонӣ масоили ҳамкории тиҷоратӣ-иқтисодӣ, илмӣ-техникӣ, фарҳангӣ ва амниятии Тоҷикистону Покистон баррасӣ гардиданд.

***

8 марти соли 2011 Сарвари давлат Эмомалӣ Раҳмон дар шаҳраки дипломатии Исломобод дар маросими гузоштани санги асоси таҳкурсии бинои нави Сафорати Ҷумҳурии Тоҷикистон дар Покистон иштирок намуданд.

***

Дар ин рӯзи соли 2017 Президенти Ҷумҳурии Тоҷикистон муҳтарам Эмомалӣ Раҳмон дар ҷашни Рӯзи Модар чун анъанаи накӯи баҳорӣ ва рамзи иди Наврӯзи байналмилалӣ бо Иҷрокунандаи вазифаи Раиси шаҳри Душанбе Рустами Эмомалӣ ва Сомони Эмомалӣ дар ҳашари умумии ниҳолшинонӣ дар пойтахт иштирок карданд. Ҳашари ниҳолшинонӣ тибқи нақшаи асосии ободонию бунёдкорӣ ва навсозии пойтахти мамлакат — шаҳри Душанбе дар майдони боғи Нишони давлатӣ сурат гирифта, ба хотири зебою озода кардани хиёбонҳои шаҳр дарахтони зиёди ороишию ҳамешасабз, ки ҳамзамон ба саломатии инсон фоида дошта, боиси болидахотирию рӯҳбаландии сокинону меҳмонон мегардад, шинонида шуд.

 8 МАРТ ТАҶЛИЛ КАРДА МЕШАВАД:

Рӯзи байналмилалии занон.

***

Дар Тоҷикистон – Рӯзи Модар.

***

Дар Малайзия – Рӯзи султон.

***

Рӯзи байналмилалии гурда.

 РӮЙДОДҲО:

8 марти соли 2013 воситаҳои ахбори омма хабар доданд, ки  роҳбарияти осорхонаи Британия ба Осохонаи миллии Тоҷикистон нусхаи 6 нигораи коллексияи ганчинаи Амударёро туҳфа намуданд.

***

8 марти соли 1759 Парлумони Париж «Энсиклопедия»-и Дени Дидроро маҳкум намуд.

***

148 сол муқаддам, 8 марти соли 1873 дар самти шимолу ғарби Канада фурӯши маҳсулоти спиртӣ манъ карда шуд.

***

Дар ин рӯзи соли 1920 конгресси миллии Сурия истиқлоли мамлакатро эълон намуд.

***

8 марти соли 1950 Иттиҳоди Шӯравӣ расман дар бораи мавҷуд будани бомбаи атомии худ хабар дод.

***

8 марти соли 1973 дар раъйпурсии Ирландияи Шимолӣ 59% овоздиҳандагон барои нигоҳдории ин қисм дар ҳайати Британияи Кабир овоз доданд.

ИНЧУНИН ДАР ИН РӮЗ…

Соли 1914 дар Иттиҳоди Шӯравӣ аввалин шумораи маҷаллаи «Работнитса» нашр шуд.

Март 8, 2021 08:00

Хабарҳои дигари ин бахш

Маводҳои таҳлилӣ