Тоҷикистон дар мавриди истифодаи ваксинаи AstraZeneca ҳанӯз тасмими ниҳоӣ нагирифтааст
ДУШАНБЕ, 18.03.2021 /АМИТ «Ховар»/. Тоҷикистон дар мавриди истифодаи ваксинаи зидди коронавируси AstraZeneca, ки як миқдори он ба наздикӣ дар доираи механизми ҷаҳонии COVAX ба кишвар ворид шудааст, ҳанӯз тасмими ниҳоӣ нагирифтааст, иттилоъ медиҳад хабаргузории «Авесто».
Тавре аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ доданд, рӯзҳои наздик нишасти матбуотӣ ба нақша гирифта шудааст, ки дар он тасмими ниҳоӣ оид ба истифода намудан ва ё даст кашидан аз ваксинаи AstraZeneca эълон хоҳад шуд.
Ба қавли манбаъ, тасмими ниҳоӣ ҳамин ҳафта гирифта мешавад ва дар ин хусус аҳолии кишвар тавассути расонаҳо огоҳ карда хоҳад шуд.
«Ҳоло бо намояндагони Созмони умумиҷаҳонии тандурустӣ ва дигар сохторҳои масъул машваратҳо оид ба ин масъала гузаронида мешаванд», -зикр кард манбаъ.
Шубҳаҳо дар бораи ваксинаи AstraZeneca замоне пайдо шуданд, ки бисёр кишварҳо, ба шумули Аврупо, боздошти истифодаи ин ваксинаро эълом намуданд.
Баъзе коршиносон бар ин гумонанд, ки истифодаи ваксина метавонад боиси лахташавии хун гардад, ҳарчанд корманди аршади СУТ Сумия Сваминатан рӯзе пеш изҳор кард, ки ба ҳар ҳол кишварҳо бояд истифодаи ваксинаро идома диҳанд. Вай фаҳмонид, ки то ҳанӯз робитаи мустақим байни лахташавии хун ва эмкунӣ ошкор нашудааст.
Директори генералии СУТ дар навбати худ гуфт, ки комиссияи коршиносони СУТ оид ба бехатарии ваксина ҳамаи маълумоти дастрасро меомӯзад ва бо Агентии Аврупо оид ба дорусозӣ (EMA) робитаи зич дорад.
«Пас аз нишасти матбуотии охирини мо рӯзи ҷумъа, боз чанд кишвари дигар баъд аз расидани гузоришҳо дар бораи лахташавии хуни баъзе одамоне, ки бо ду ваксинаи истеҳсоли Аврупо эм шудаанд, истифодаи ваксинаи AstraZeneca -ро ҳамчун чораи эҳтиётӣ боздоштанд», — афзуд ӯ.
Хукуматдорони ИА охири моҳи январ тасмим гирифтанд, ки ваксинаи коркарди ширкати AstraZeneca -ро ба бозори ИА роҳ диҳанд. Аммо пештар коршиносони баъзе кишварҳо ба хулоса омада буданд, ки ваксинаи ин ширкат танҳо барои одамони аз 18 то 64-сола қобили истифода аст.
АКС аз бойгонӣ
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
