Турсунзода: Шиносномаҳои шаҳрвандӣ ба хонандагони мактабҳо ва литсейҳо дар вазъияти тантанавӣ супорида мешаванд
ДУШАНБЕ, 04.03.2021 /АМИТ «Ховар»/. Аз ҷонибии Хадамоти шиносномадиҳӣ ва бақайдгирии Вазорати корҳои дохилии Ҷумҳурии Тоҷикистон дар ду моҳи соли равон дар 12 муассисаи таҳсилоти миёнаи умумӣ ва литсейҳои шаҳри Турсунзода ба зиёда аз 300 нафар хонандагон дар вазъияти тантанавӣ шиносномаи шаҳрвандӣ тақдим карда шудааст.
Тавре аз маркази матбуоти Вазорати корҳои дохилӣ ба АМИТ «Ховар» иттилоъ доданд, 3 март бо иштироки муовини сардори Хадамоти шиносномадиҳӣ ва бақайдгирии (ХБШ) Вазорати корҳои дохилӣ, полковники милитсия Зумрад Абдуллозода ба 25 нафар хонандагони МТМУ №18 шаҳри Турсунзода дар ҳузури устодону хонандагон ва волидайни онҳо шиносномаи шаҳрвандӣ супорида шуд.
Зумрад Абдуллозода иброз намуд, ки роҳбарияти ВКД ва ХШБ баҳри боз ҳам қавитару густурдатар гардидани ҳамкории аҳолӣ бо мақомоти корҳои дохилӣ ва баланд гардидани эътимоди мардум ба кормандони милитсия корҳои заруриро роҳандозӣ намудаанд.
Бояд гуфт, ки хатмкунандагону хонандагоне, ки аллакай ба синни 16 расидаанд, дар доираи талаботи қонунҳои амалкунанда ҳуқуқи гирифтани шиноснома доранд.
Аз ҷониби Хадамоти шиносномадиҳӣ ва бақайдгирии Вазорати корҳои дохилии Ҷумҳурии Тоҷикистон дар тамоми муассисаҳои таҳсилоти миёнаи умумӣ тартиби гирифтани шиноснома ва ҳуҷҷатгузории он омӯзонида мешавад. Пас аз сари вақт омода кардани шиноснома, кормандони хадамот ба мактаб омада, дар вазъияти тантанавӣ шиносномаҳоро ба соҳибонашон тақдим мекунанд.
ЗИМИСТОН ФАРО РАСИД. Дар моҳи аввали ин фасл ҳарорати ҳаво аз меъёри иқлимӣ 1 дараҷа паст пешгӯӣ мешавад
Дар Истаравшан 45 километр роҳҳои калони нақлиётгард мумфарш карда шуданд
35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Шуғнон 233 иншоот бунёду навсозӣ мешаванд
МАСЛИҲАТИ МУТАХАССИС. Мош қобилияти дуру дароз захира шуданро дорад
Шабакаҳои барқи ноҳияи Восеъ ба фасли зимистон омода мебошад
Имрӯз дар Тоҷикистон бориши борон дар назар аст
Дар Душанбе конфронси минтақавӣ оид ба ҳамкорӣ барои рушди устувор доир гардид
«МАКТАБИ ХАБАРНИГОРОНИ ҶАВОН». Таҳти чунин унвон дар Хатлон даври омӯзишӣ оғоз гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Кумитаи ҳолатҳои фавқулода ва мудофиаи гражданӣ: «Дар рӯзҳои боронӣ дучанд эҳтиёт намоед!»
Намояндаи Агентии амнияти химиявӣ, биологӣ, радиатсионӣ ва ядроӣ дар Конфронси сатҳи вазирони Агентии байналмилалии нерӯи атомӣ иштирок намуд
Ҳисоботи Тоҷикистон дар ҷаласаи пленарии Гурӯҳи Авруосиё оид ба муқовимат ба қонунигардонии даромадҳои бо роҳи ҷиноят бадастоварда шунида шуд
