ЯК РӮЗ ДАР ТАЪРИХ: 76 сол пеш Неруҳои ҳарбӣ-ҳавоии ИМА пойтахти Японияро бомбаборон карданд

ДУШАНБЕ, 10.03.2021. /АМИТ «Ховар»/. 10 марти соли 1945 Неруҳои ҳарбӣ-ҳавоии ИМА маркази Японияро бомбаборон карданд. Ҳар яке аз 334 бомбаандози стратегии В-29, ки дар ҳамлаи ҳавоӣ иштирок кард, якчанд тонна бомбаҳои оташбор ва напалм (омехтаи химиявии махсус барои бомбаҳои оташзананда) партофтанд.

Он рӯз, яъне  76 сол пеш, даҳшатноктарин ва харобиовартарин ҳамлаи ҳастаӣ дар таърихи сайёра рух дод. Дар ҷараёни амалиёт, ки “Хонаи ибодат” ном дошт, 334 ҳавопаймои бомбаандози вазнини стратегии B-29 Неруҳои ҳарбӣ-ҳавоии ИМА ба Токио беш аз яку ним ҳазор тонна бомбаҳои оташгиранда ва напалмӣ партофтанд. Оқибатҳои ин ҳамла барои пойтахти Япония фалокатбор буд. Зиёда аз 40 фоизи биноҳои шаҳр вайрон шуда, беш аз сад ҳазор нафар фавтида буданд.

Дар пойтахти  Япония чоряк миллион бино вайрон шуда буд. Шаҳр дар масоҳати беш аз 40 километри мураббаъ ба партови хушкшуда табдил гардида буд.

Дар натиҷаи сӯхторҳои бардавом дар маҳаллаҳои истиқоматии аз биноҳои чӯбӣ сохташуда гирдоби оташбор ба вуҷуд омад, ки имкон надод, то бо оташ мубориза баранд ва ин боиси талафоти зиёди одамон гардид.

На  кам аз 80 ҳазор нафар фавтиданд, шумораи бештар бовариноки ҳалокшудагон беш аз 100 ҳазор нафарро ташкил дод. Дар ин амалиёт 14 бомбаборонкунанда  бенишон  гум шуданд.