Ба Муассисаи давлатии «Озмоишгоҳи миллии референсӣ» якчанд намуд мавод ва таҷҳизоти тиббӣ дастрас гардид

ДУШАНБЕ, 15.04.2021 /АМИТ «Ховар»/.  Дар асоси ҷадвали тақсимоти таҷҳизоти ёрирасон барои гузаронидани ташхиси бемории коронавируси нави COVID-19 бо усули таҷзияи занҷираи полимеразӣ аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба Муассисаи давлатии «Озмоишгоҳи миллии референсӣ» якчанд намуд мавод ва таҷҳизоти  тиббӣ дастрас карда шуд.

Тавре аз Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» иттилоъ доданд, мавод ва таҷҳизоти тиббӣ аз бокси бехатарии микробиологии БМБ-II-А2 Biobase BSC-1300II А2-Х барои минтақаи «Қабул ва тақсимоти минтақаҳо», маҷмӯи филтрҳои эҳтиётӣ НЕРА барои БМБ, бокси бехатарии микробиологии БМБ-II-А2 Biobase BSC-1300II А2-Х барои минтақаи «Ҷудокунии намунаҳо», маҷмӯи филтрҳои эҳтиётӣ НЕРА  барои БАВ ПЦР, сумка-яхдон Biodase LCX-12L дар маҷмӯъ бо элементҳои хунуккунанда, ресиркулятори зидди бактериявии PERLONG, яхдон-70C-86C Binder UF V700  барои нигоҳдории намунаҳои мусбат, яхдон 20С Biodase BDF-25V268 барои минтақаи микс ва ғайра иборат мебошанд.

Фаъолияти хубу босамари Муассисаи давлатии «Озмоишгоҳи миллии референсӣ», ки дорои тамоми дастгоҳҳои муосир ва шароити ташхисӣ мебошад, барои ташхиси саривақтӣ ва  табобати дурусту босифат мусоидат менамояд.

Ҳоло дар озмоишгоҳи мазкур тамоми шароити корӣ фароҳам оварда шуда,  таҷҳизоти муосири он имконият медиҳанд, ки ташхисҳои ниҳоят дақиқ бо сифати баланд, ҷавобгӯ ба талаботи байналмилалӣ ва сарфи ками неруи инсонӣ ба мизоҷон пешниҳод гарданд. Вазифаи Озмоишгоҳи миллии референсӣ аз гузаронидани баҳодиҳии сифати тамоми озмоишҳои клиникӣ, биокимиёвӣ, иммунологӣ, бактериологӣ ва вирусологӣ иборат  мебошад.

        Аксҳо аз сомонаи Вазорати тандурустӣ ва ҳифзи иҷтимоии аҳолии ҶТ