«БОЗГАШТ БА ПАНҶРӮД». Романи нависандаи рус Андрей Волос ба забони тоҷикӣ чоп шуд
ДУШАНБЕ, 03.04.2021 /АМИТ «Ховар»/. Романи нависандаи рус Андрей Волос «Бозгашт ба Панҷрӯд», ки таҳқиқи бадеии зиндагӣ ва замони падари шеъри форсӣ – Одамушшуаро Рӯдакӣ аст, ба забони тоҷикӣ тарҷума ва дар муассисаи интишоротии «Эр-граф»-и Душанбе чоп шуд.
Андрей Волос, ки зода ва парвардаи Тоҷикистон аст, муҳимтарин осори бадеии худро дар бораи тоҷикону Тоҷикистон таълиф кардааст. Шуҳрати нависандагии ӯ аз романи «Хуррамобод» шуруъ мешавад, ки аз Тоҷикистони поёни замони шӯравӣ ҳикоят мекунад. Барои ин роман А.Волос барандаи ду ҷоизаи муҳимми адабии кишвараш – Антибукер ва Ҷоизаи давлатии Русия шуда буд. Романи «Бозгашт ба Панҷрӯд» низ ба нависанда ҷоизаи «Букери русӣ»-ро овард.
«Бозгашт ба Панҷрӯд» бо ибтикор ва иҳтимоми Абдухалил Холиқзода, тар тарҷумаи Қодири Рустам ва веростории Ҷумъабой Азизқулов ба нашр расид. Қодири Рустам дар саҳифаи худ дар шабакаи Facebook чунин нигоштааст: «Дар бораи ин китоб қаблан тақризи муфассале навишта будам. Ҳоло чизе намеафзоям: гул он аст, ки худ бибӯяд, на ин ки аттор бигӯяд».
Мавриди зикр аст, ки романи «Бозгашт ба Панҷрӯд» қаблан ба забонҳои арманӣ, булғорӣ, юнонӣ ва ғайра тарҷума ва чоп шудааст.
АКС аз бойгонӣ
Дар даври ноҳиявии Озмуни ҷумҳуриявии «Илм – фурӯғи маърифат» 114 нафар иштирок намуд
Манзараҳои зебои табиати Тоҷикистон дар «Pakistan TV Digital» намоиш дода мешавад
Корҳои омодагӣ барои баргузории Озмуни ҷумҳуриявии «Ганҷинаи таърих ва фарҳанги тоҷикон» идома доранд
НАҚШИ ПРЕЗИДЕНТИ ТОҶИКИСТОН ДАР РУШДИ ЗАБОНИ ДАВЛАТӢ. Бо ин мақсад бо ҷавонони фаъоли шаҳри Кӯлоб вохӯрӣ доир шуд
«ИЛМ — ФУРӮҒИ МАЪРИФАТ». Дар шаҳри Бӯстон даври шаҳрии озмуни ҷумҳуриявӣ баргузор гардид
35-СОЛАГИИ ИСТИҚЛОЛИЯТИ ДАВЛАТӢ. Дар Душанбе ҳар ҳафта рӯзҳои фарҳанги шаҳру ноҳияҳои Тоҷикистон баргузор мешаванд
Дар Китобхонаи миллӣ оид ба таҳияи Консепсияи илмии Конуни тамаддуни ориёӣ маҳфили «Тоҷикшиносӣ» доир шуд
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Дар Москва шоми ёдбуди Мирзо Турсунзода баргузор гардид
Дар Тоҷикистон Рӯзҳои фарҳанги Федератсияи Русия оғоз гардид
Дар даври шаҳрии Озмуни ҷумҳуриявии «Илм — фурӯғи маърифат» дар Ҳисор беш аз 1400 довталаб маҳорат месанҷанд
Дар ноҳияи Рӯдакӣ даври ноҳиявии Озмуни ҷумҳуриявии «Илм — фурӯғи маърифат» оғоз шуд
