Дар Конибодом ва Мастчоҳ хонандагон соҳиби ҳуҷҷати асосии тасдиқкунандаи шахсият – шиноснома гардиданд
ДУШАНБЕ, 05.04.2021 /АМИТ «Ховар»/. Гурӯҳи кормандони Хадамоти шиносномавию бақайдгирии шуъбаи Вазорати корҳои дохилии Ҷумҳурии Тоҷикистон дар шаҳри Конибодом 25 нафар хонандагони синфҳои болоии МТМУ №37-и ҷамоати Ғафурҷон Ортиқовро дар маросими тантанавӣ бо шиноснома таъмин намуд. Иқдоми мазкур баҳри сари вақт таъмин намудани хонандагони муассисаҳои таълимӣ бо ҳуҷҷати асосии тасдиқкунандаи шахсият-шиноснома равона гардидааст. Дар ин бора аз Вазорати корҳои дохилӣ ба АМИТ «Ховар» хабар доданд.
Кормандони Хадамоти шиносномавию бақайдгирӣ дар шаҳри Конибодом дар партави супориши роҳбарияти ВКД давоми се моҳи имсол ба 851 нафар бори аввал шиноснома додаанд, ки аксарияти онҳо наврасони ба синни 16 расида мебошанд. Ҳамчунин кор дар ин самт идома дошта, нозирони шиносномадиҳӣ дар баробари вохӯрӣ бо аҳолӣ ба мактабҳо низ меоянд.
Ҳамин гуна хизматрасонии муваффақона дар Хадамоти шиносномавию бақайдгирии ШВКД дар ноҳияи Мастчоҳ низ роҳандозӣ шудааст. Аз аввали сол то 31 март 726 нафар барои гирифтани шиноснома ҳуҷҷат супорида, бори аввал ҳуҷҷати тасдиқкунандаи шаҳрвандӣ ба даст мегиранд. Дар минтақаи маъмурии хизматӣ тақдими шиноснома дар вазъияти тантанавӣ доир шуда, ба муҳассилин вобаста ба чӣ гуна ҳуҷҷат будани шиносномаи миллӣ ва ҳуқуқҳои соҳиби он маълумот дода мешавад.
Кормандони Хадамоти шиносномавию бақайдгирии шуъбаи ВКД дар ноҳияи Мастчоҳ ин навбат шиносномаҳои омодагардидаро ба хонандагони МТМУ №24 ва №4 Ҷамоати деҳоти Мастчоҳи ноҳия дастрас намуда, ба соҳибонаш супориданд. Ҳамчунин ҷиҳати огоҳӣ ёфтан аз ҳуқуқҳои конститутсионӣ ба хонандагон дар баробари шиноснома Конститутсия тақдим карда шуд.
Дастрасии хонандагон ба ҳуҷҷати асосии муайянкунандаи шаҳрвандии Тоҷикистон-шиносномаи миллӣ дар дигар шаҳру ноҳияҳои вилояти Суғд низ ба роҳ монда шуда, дархости ҳар муроҷиаткунанда ҷиҳати шиносномагирӣ сари вақт таъмин карда мешавад.
Бо дастури Вазири корҳои дохилӣ Рамазон Раҳимзода кормандони хадамоти мазкур вазифадор карда шудаанд, ки шароити беҳтару дастрасро барои хонандагон фароҳам оваранд, то дар таъмини саривақтии муҳассилин, хосса хатмкунандагон бо шиноснома саҳм гузоранд. Зеро хонандагон баъди соҳиби шиноснома гаштан ба Маркази миллии тестии назди Президенти Ҷумҳурии Тоҷикистон ҳуҷҷат супорида, ҳамчун довталаб худро ба қайд мегиранд.
АКС: Вазорати корҳои дохилии Ҷумҳурии Тоҷикистон
Бахшида ба ҷашни 35-солагии Истиқлоли давлатӣ дар шаҳри Душанбе барномаи фарҳангӣ доир шуд
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
