Дар ҳудуди Тоҷикистон саршумори бузи кӯҳии пармашох муайян карда мешавад

Апрель 11, 2021 09:31

ДУШАНБЕ, 11.04.2021 /АМИТ «Ховар»/. Дар Тоҷикистон саршумори бузи кӯҳии пармашох муайян мегардад. Ин тадбир тибқи фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон «Дар бораи гузаронидани (мониторинги) ҳисоботи саршумори ҳайвоноти нодири ба Китоби сурхи Ҷумҳурии Тоҷикистон шомилбуда, аз ҷумла бузи кӯҳии пармашох (морхӯр)» андешида шудааст. Дар ин бора АМИТ «Ховар» бо истинод ба Кумитаи ҳифзи муҳити зисти ҷумҳурӣ иттилоъ медиҳад.

  Дар робита ба ин аз ҷониби мутахассисони шуъбаи назорати давлатии истифода ва ҳифзи олами набототу ҳайвоноти Кумитаи ҳифзи муҳити зист дар якҷоягӣ бо ходимони илмии Институти зоология ва паразитологияи ба номи Е. Н. Павловскийи АМИТ, Агентии хоҷагии ҷангал, Муассисаи давлатии  «Ҳудудҳои табиии махсус муҳафизатшаванда» дар ҳудуди ноҳияҳои Дарвоз,  Данғара ва Шамсиддини Шоҳини дар қаторкӯҳҳои «Ҳазрати шоҳ» ҳисоботи саршумори ин ҳайвоноти нодир гузаронида шуд.

Аз ҷониби Кумита бо олимону мутахассисони соҳа ҷиҳати  омӯзиши тартиби гузаронидани ҳисоботи саршумори ҳайвоноти нодир ду маротиба давраи бозомӯзӣ  ва бозомӯзии саҳроӣ  гузаронида шуда, мутахассисон бо таҷҳизоти зарурӣ- дурбинҳои даҳ маротиба калон нишондиҳанда, дастгоҳҳои аксбардорӣ, дастгоҳи GPS ва компас, ҷузвдон бо дафтарчаҳои баҳисобгирӣ, харитаҳои рангаи топографии вобаста ба хоҷагиҳои шикорӣ таъмин гардиданд.

Айни замон ҳисоботи мазкур мавриди таҳлил ва омӯзиши  олимону мутахассисони Кумита, Агентии хоҷагии ҷангал ва Институти зоология ва паразитологияи  АМИТ қарор дошта, пас аз пурра таҳлил гардидани  маълумот ахбори расмӣ пешниҳод карда мешавад.

АКСҲО:  Кумитаи ҳифзи муҳити зисти назди Ҳукумати  ҶТ

Апрель 11, 2021 09:31

Хабарҳои дигари ин бахш

Дар Хатлон нахустин бозиҳои мусобиқаи кӯдаконаи футбол баргузор шуданд
НАҚЛИЁТИ «САБЗ». Ба Тоҷикистон 6047 мошини барқӣ ворид карда шудааст
Кӯчати мағзи устухон дар ҳолати саратони хун ва бемориҳои гематологӣ дар шабакаи клиникаҳои «Acıbadem»
Имрӯз дар шаҳри Душанбе ҳаво то 31 дараҷа гарм мешавад
Барои барқарор намудани чарогоҳҳои водии Рашт 20 намуди тухмиҳои бутта ва дарахтон парвариш карда мешаванд
Дар Ҳисор маҳфил – озмуни «Тоҷикистони ман!» оғоз гардид
Имсол дар Хатлон қариб 500 ҳазор тонна пиёз ҷамъоварӣ карда мешавад
Дар шаҳраки Обшорони ноҳияи Мастчоҳ татбиқи лоиҳаи обрасонӣ оғоз ёфт
Имрӯз дар водиҳои Тоҷикистон ҳаво то 34 дараҷа гарм мешавад
ҲАФТАИ ИЛМ – 2025. Донишгоҳи байналмилалии сайёҳӣ ва соҳибкории Тоҷикистон аз муҳимтарин дастовардҳо натиҷагирӣ намуд
Дар ноҳияи Рӯдакӣ дурнамои кишти чигит сари вақт иҷро мегардад
Имрӯз дар Тоҷикистон ҳаво то 30 дараҷа гарм мешавад