Дастаи Мактаб-интернати ҷумҳуриявии ноҳияи Рӯшон ғолиби мусобиқаи «Ватанпарвар» гардид
ХОРУҒ, 18.04.2021 /АМИТ «Ховар»/. Муассисаи таҳсилоти иловагии Вилояти Мухтори Кӯҳистони Бадахшон дар ҳамкорӣ бо Раёсати маорифи вилоят ва қисми низомии шаҳри Хоруғ байни хонандагони синфҳои болоии муассисаҳои таълимӣ мусобиқаи ҳарбӣ- варзишии «Ватанпарвар» баргузор намуд. Мақсад аз баргузории ин озмун- дуруст ба роҳ мондани барномаи омодагии мудофиаи ҳарбӣ дар синфҳои болоӣ, баланд бардоштани ҳисси ватандӯстӣ, ташаббускорӣ, фаъолияти мустақилона ва таҳкими дӯстӣ миёни кӯдакону наврасон мебошад.
Сардори маркази мазкур Ниёзмамад Мамадаёзов гуфт, ки “ин мусобиқаи ҳарбӣ-варзишӣ як навъ ҳисоботи омӯзгорони омодагии ибтидоии дифои ҳарбӣ давоми як соли таҳсил ба шумор меравад. Мутобиқи низомнома, дар қисмати кушодашавӣ ва хотимавии мусобиқа иштирокчиён бояд либосҳои махсуси ҳарбӣ бо тамғаи «Ватанпарвар» дошта бошанд. Бо баргузории чунин мусобиқа омӯзгорони дифои ҳарбӣ назорат мекунанд, ки оё шогирдон дар ҳузури низомиёни касбӣ дониши назариявии худро дар амал мутобиқи талаботи низомнома татбиқ карда метавонанд ё на. Барои омӯзгори фанни дифои ҳарбӣ фикру андешаи ҳамкасбону низомиёни касбӣ хеле муҳим аст”.
Сардори маркази таҳсилоти иловагии ноҳияи Ишкошим Вазирбек Қаландарбеков гуфт, ки “чунин мусобиқаҳо масъулияти хонандагонро нисбат ба фанни дифои ҳарбӣ бештар мекунанд ва онҳоро водор месозанд, ки минбаъд ба ин дарс бо омодагии комил ҳозир шаванд. Аз сӯи дигар, ин мусобиқаҳо дар оянда наврасонро ба хизмати Ватан ҳамарафа омода ва ҳавасманд мекунанд”.
Хонандагон аз 7 намуди бозиҳои ҳарбӣ-варзишӣ, ба мисли сафороӣ, пайваст ва ҷудо кардани силоҳ, вазнбардорӣ, танобкашӣ, дорбозӣ, истифода аз ниқоби газӣ ва таҳияи рӯзномаи «Ватанпарвар» сабқат намуданд.
Мусобиқа бо пирӯзии дастаи Мактаб-интернати ҷумҳуриявии ноҳияи Рӯшон ба поён расид. Ин даста акнун ба мусобиқаи ҷумҳуриявӣ омодагӣ мебинад.
Мақоми дуюм насиби дастаи ноҳияи Роштқалъа гардида, ҷои сеюмро дастаи шаҳри Хоруғ ишғол намуд.
Ғолибони мусобиқа бо ифтихорнома ва мукофоти пулӣ сарфароз гардиданд.
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад
Дар Вазорати адлия бахшида ба Рӯзи Ваҳдати миллӣ ҳамоиши идона доир гардид
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши тантанавӣ доир шуд
