Генерал-лейтенант Валентина Казакова: Шаҳрвандони Тоҷикистон, ки то 30 июн дар қайди муҳоҷирати Россия сабти ном намешаванд, ихроҷ хоҳанд шуд
ДУШАНБЕ, 21.04.2021 /АМИТ «Ховар»/. Сардори Сарраёсати муҳоҷирати Вазорати корҳои дохилии Федератсияи Россия, генерал-лейтенант Валентина Казакова имрӯз зимни нишасти матбуотӣ дар Душанбе пас аз музокироти дурӯза бо ҳамтоёни тоҷикаш аз тариқи ВАО ба ҳамаи муҳоҷирони меҳнатӣ ва хешовандони онҳо дар Тоҷикистон муроҷиат ва хоҳиш кард, ки бо истифодаи имконият мақоми ҳуқуқии худро танзим кунанд, ба шуъбаҳои дахлдор оид ба масъалаҳои муҳоҷират дар Россия муроҷиат ва дар қайди муҳоҷират худро сабти ном намоянд ва агар хоҳиш дошта бошанд, асноди иҷозатдиҳандаро барои ба расмият даровардани фаъолияти меҳнатӣ дарёфт намоянд.
Бо сабаби он ки иртиботи мунтазами ҳавоӣ байни Россия ва Тоҷикистон 1 апрел аз сар гирифта шуд, муҳлати бозгашти муҳоҷирон пас аз 90 рӯз, яъне то 30 июн хатм мешавад. Бинобар ин, шаҳрвандони Ҷумҳурии Тоҷикистон имкон доранд мақоми ҳуқуқии худро дар қаламрави Россия танзим кунанд.
Валентина Казакова ёдовар шуд, ки Фармони Президенти Россия то 15 июн амал мекунад, аммо ҳукумат механизми дахлдор дар ихтиёр дорад ва ҳамаи муҳоҷирони меҳнатии Тоҷикистон имкон доранд, ки ҳуҷҷатҳои худро барасмият дароранд.
Ба гуфтаи вай, ҳамаи шаҳрвандони Тоҷикистон, ки беш аз 90 рӯз дар Россия мебошанд, яъне аз 15 марти соли гузашта, ҳақ доранд ба шуъбаҳои муҳоҷират муроҷиат кунанд ва ҳуҷҷатҳои худро ба расмият дароранд. “Бақайдгирии муҳоҷират хусусияти сирф огоҳидиҳанда дорад, барои ин кофист, ки ҷониби қабулкунанда ба шуъбаи мо муроҷиат кунад ва хабар диҳад, ки ин шаҳрванд дар суроғаи зикршуда зиндагӣ мекунад. Тартиб одӣ ва ройгон аст. Ҳоло масъалаи осон кардани таҳияи аснод барои шаҳрвандони хориҷӣ баррасӣ мешавад, ки он дар оянда дар шакли электронӣ тавассути портали ягонаи хидматҳои давлатӣ сурат хоҳад гирифт”, — гуфт Валентина Казакова.
Зикр карда шуд, ки он шаҳрвандони Тоҷикистон, ки то 30 июн дар қайди муҳоҷирати меҳнатӣ дар Россия сабти ном намешаванд, ихроҷ мешаванд ва мутаносибан вуруди онҳо ба қаламрави Россия барои як давраи муайян манъ карда мешавад.
Ҳамзамон ӯ гуфт, ки шаҳрвандони Тоҷикистон набояд аз хидмати миёнаравҳо истифода баранд, зеро ин кор пайомад ва мушкилоти ҳуқуқӣ дорад.
АКС: © Sputnik / Владимир Трефилов
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
