Иҷлосияи 64-уми Комиссияи СММ оид ба маводи нашъаовар тариқи маҷозӣ оғоз гардид
ДУШАНБЕ, 13.04.2021 /АМИТ «Ховар»/. Иҷлосияи 64-уми Комиссияи СММ оид ба маводи нашъаовар 12 апрел ба кор оғоз намуд, ки то 16 апрел тариқи маҷозӣ идома меёбад. Дар иҷлосияи мазкур ҳайати Ҷумҳурии Тоҷикистонро Директори Агентии назорати маводи нашъаовари назди Президенти Ҷумҳурии Тоҷикистон, генерал-майори адлия Ҳабибулло Воҳидзода муаррифӣ намуд.
Тавре аз маркази матбуоти Агентии назорати маводи нашъаовар ба АМИТ “Ховар” хабар доданд, дар иҷлосия роҳбарони мақомоти ваколатдори давлатҳои аъзои СММ ва намояндагони дигар ташкилот сухан гуфтанд.
Директори Агентӣ аз номи Ҷумҳурии Тоҷикистон маърӯза намуда, вазъи маводи нашъаовар дар Ҷумҳурии Тоҷикистон дар соли 2020, пешравиҳо ва мушкилот дар самти мубориза бо муомилоти ғайриқонунии маводи нашъаовар ва пешгирии нашъамандиро баён дошт.
Ҳабибулло Воҳидзода дар ҷараёни мулоқот доир ба дастгирии мунтазами мақомоти ҳифзи ҳуқуқи кишвар аз ҷониби Раёсати СММ оид ба маводи нашъаовар ва ҷинояткорӣ, кишварҳои донор дар мубориза бар зидди гардиши ғайриқонунии маводи нашъаовар ва пешгирии нашъамандӣ ибрози назар карда, ҳамкории тарафайнро мусбат арзёбӣ намуд.
Мавсуф ҳамзамон дар бораи хатари нигаронкунандаи паҳншавии маводи нашъадори навъи синтетикӣ ва моддаҳои психотропӣ миёни аҳолӣ, хусусан ҷавонон сухан гуфта, оид ба усулҳои нави фурӯши ин мавод тариқи шабакаҳои иҷтимоӣ, ки кори мақомоти ҳифзи ҳуқуқро мушкил мегардонанд, мубодилаи афкор намуд. Инчунин аз ҳамоҳангии ҷомеаи байналмилалӣ тавассути Раёсати СММ оид ба маводи нашъаовару ҷинояткорӣ ва дигар кишварҳои ширкаткунандаи ҷаласа дар пешгирии ин омили номатлуб даъват ба амал овард.
Дар анҷоми суханронӣ директори Агентӣ баён дошт, ки “мо ҳамкориро дар мубориза бо қочоқи маводи нашъаовар пурзӯр намуда, ҳамзамон дар ҳифзи башарият аз ин падидаи номатлуб саҳми арзанда хоҳем гузошт”.
Инчунин ҳайати Тоҷикистон дар чорабиниҳои канории Созмони ҳамкории Шанхай ва Раёсати СММ оид ба маводи нашъаовар ва ҷинояткорӣ таҳти унвони “Механизмҳои байналмилалӣ ва чораҳои минтақавӣ, 60-солагии Конвенсияи ягонаи СММ оид ба маводи нашъаовар ва 10-солагии Ёддошти тафоҳум байни СҲШ ва UNODC”, ва дар чорабинии канории Федератсия Россия дар мавзӯи “Пандемияи COVID-19”- таъсири он ба мушкилоти ҷаҳонии маводи нашъаовар: таҳдидҳои нав ва дурнамо”, ки тариқи маҷозӣ баргузор гардиданд, иштирок намуда, сухан гуфт.
Чорабиниҳо дар доираи баргузории Иҷлосияи 64-уми Комиссияи СММ оид ба маводи нашъаовар идома доранд.
АКС аз Агентии назорати маводи нашъаовари назди Президенти ҶТ
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
