Комроншоҳи Устопириён ва Темур Раҳимов барои медали биринҷии Чемпионати Осиё-Океания талош меварзанд

Апрель 8, 2021 15:02

ДУШАНБЕ, 08.04.2021 /АМИТ «Ховар»/. Имрӯз-дар рӯзи сеюми Чемпионати Осиё-Океания, ки дар шаҳри Бишкеки Ҷумҳурии Қирғизистон ҷараён дорад, ду паҳлавони маъруфи тоҷик — Комроншоҳи Устопириён дар вазни 90кг ва  Темур Раҳимов дар вазни +100кг ба сабқатҳо  шурӯъ карданд. Дар ин  бора шореҳи  варзиши АМИТ «Ховар» Меҳрони Қурбон бо истинод ба Федератсияи дзюдои Тоҷикистон хабар медиҳад.

Дар даври аввали рақобатҳои Темур варзишгари кишвари Ҳиндустон — Карам Бирро мағлуб кард. Дар даври ¼-ниҳоӣ Темур Раҳимов бар варзишгари мизбон Юрий Краковетский дастболо шуда, ба даври ½-ниҳоӣ роҳ ёфт. Дар даври нимфинал Темур бо варзишгари ошно Хисаёши Харасаваи японӣ, ки дар даври ¼-ниҳоии мусобиқаи «Тоскулоҳи бузург»-и Анталия шикаст хӯрда буд, боз дучори нокомӣ шуд. Барои ба даст овардани медали биринҷӣ Темурро мебояд, ки варзишгари қазоқ Кажибаев Ерасилиро мағлуб намояд.

Паҳлавони дигари тоҷик Комроншоҳи Устопириён рӯзи сеюми мусобиқа  дар даври аввал бо  паҳлавони туркман — Шатлик Тораев қувва санҷид. Дар ин дидор   Комроншоҳ Устопириён бо гирифтани ду «ваза-ари» ба даври баъдӣ роҳ ёфт. Дар даври дуюм Устопириён бо Бозбаев Ислом Қазоқистон набард кард. Дар ин сабқат Комроншоҳ Устопириён комёб шуда, ба даври ½—финал роҳ ёфт. Ҳамин тавр дар даври ½- ниҳоӣ Комроншоҳ бо ду карат барандаи нишони тиллои «Тоскулоҳи бузург» варзишгари  японӣ — Сёитиро Мукай рақобат намуда, аз ӯ шикаст хӯрд. Ҳоло Комроншоҳ барои соҳиб шудан ба медали биринҷӣ бо Бу Ҳебилиги чинӣ мубориза мебарад.

Инчунин дар  рӯзи сеюми  Чемпионати Осиё-Океания, ки дар шаҳри Бишкеки Ҷумҳурии Қирғизистон ҷараён дорад, ду паҳлавони   сангинвазни тоҷик  Мансур Раҳмон -100кг ва Хуршед Маҷидов +100кг ба рақобатҳо шурӯъ карданд. Мансур Раҳмон дар даври аввал аз намояндаи Австралия — Кайхан Озчичека-Такаги дучори бохт шуда, аз идомаи бозиҳо маҳрум монд. Хуршед Маҷидов низ дар даври нахуст аз Алишер Юсупови ӯзбек мағлуб шуд.

Ёдовар мешавем,  ки дар рӯзи дуюми Чемпионати Осиё-Океания  паҳлавони маъруфи тоҷик Сомон Маҳмадбеков дар вазни 73кг бар се ҳарифаш  ғолиб омада,  дар финал  аз қаҳрамони Doha Masters 2021, намояндаи кишвари Кореяи Ҷанубӣ – Ан Чангрим шикаст хӯрда, сазовори медали нуқра гардид. Ҳамчунин   дар рӯзи дуюми мусобиқа рақобатҳои паҳлавонони дигари  тоҷик, Ҳақназар Назаров ва Акмал Муродов, ҳарду дар вазни  -81 кг доир шуданд. Ҳақназар Назаров, ки дар даври аввал озод буд, дар даври дуюм бо ҳарифаш аз Кореяи Ҷанубӣ — Мун Ҷин Ли қувва санҷид. Дар ин майдондорӣ варзишгари  мо бо усули «ваза-ари» шикаст хӯрда, аз идомаи сабқатҳо маҳрум шуд. Варзишгари  дигари ин вазн Акмал Муродов рақобатро аз марҳилаи дуюм бар муқобили Халил Ребаҳии қатарӣ оғоз кард. Дар ин дидор Акмал Муродов комёб шуда, ба даври навбатӣ роҳ пайдо кард. Дар даври навбатӣ Акмал Муродов аз паҳлавони  эронитабори Муғулистон — Саид Муллаӣ  мағлуб гардид ва аз идомаи рақобатҳои  Чемпионати Осиё-Океания маҳрум шуд.

Апрель 8, 2021 15:02

Хабарҳои дигари ин бахш

Комроншоҳи Устопириён ва Темур Раҳимов дар Чемпионати Осиё-Океания соҳиби медали биринҷӣ шуданд
Аз 9 то 11 апрел дар Алмаато Чемпионати Осиё оид ба гӯштини озод ва юнонӣ-римӣ доир мешавад
Мавқеи Тоҷикистон дар раддабандии нави ФИФА муайян шуд
Сомон Маҳмадбеков дар Чемпионати Осиё-Океания соҳиби медали нуқра шуд
Сомон Маҳмадбеков ба финали Чемпионати Осиё-Океания баромад
Мухлисони россиягӣ Муҳаммад Султоновро беҳтарин бозингари КФ Нижний Новгород эътироф намуданд
Ғолибони даври аввали Чемпионати Тоҷикистон миёни дастаҳои Лигаи олӣ муайян шуданд
Шукрона Карчиева дар Чемпионати Осиё-Океания барои медали биринҷӣ талош мекунад
Дар Тоҷикистон шанбе Рӯзи варзиш ва солимгардонӣ эълон шудааст. Эҳдо ба Рӯзи байналмилалии варзиш ба хотири сулҳу субот
Ҳарифони паҳлавонони тоҷик дар Чемпионати Осиё-Океания муайян шуданд
Дувоздаҳ варзишгари маъруфи тоҷик дар Чемпионати Осиё-Уқёнусия-2021 иштирок мекунанд
Комроншоҳ Устопириён ва Темур Раҳимов дар мусобиқаи «Antalya Grand Slam 2021» ҷойҳои панҷумро ишғол намуданд

Маводҳои таҳлилӣ