Нуҳ нафар дар ҳодисаҳои зидди амниятӣ дар Афғонистон кушта шуданд

Апрель 20, 2021 09:09

ДУШАНБЕ, 20.04.2021 /АМИТ «Ховар»/.  Дар натиҷаи ҳамлаҳои «Толибон» (мамнуъ дар Тоҷикистон) дар як шабонарӯз дар вилоятҳои Бағлон, Ғазнӣ, Кундуз, Балх, Парвон, Ғур ва Нангарҳор ҳашт тан мансубини неруҳои интизомӣ ва қудратӣ ва як ғайринизомӣ кушта ва 18 нафари дигар, аз ҷумла панҷ ғайринизомӣ маҷрӯҳ шуданд, хабар медиҳад АМИТ «Ховар» бо истинод ба шабакаи телевизионии tolonews.com.

Аҳмад Ҷовид Башорат, сухангӯи полиси Бағлон, 19 апрел гуфт, ки шаби гузашта дар ҳамлаи «Толибон» ба як корхонаи истеҳсоли қанд дар вулусволии Бағлони маркази ин  вилоят ду корманди полис кушта ва шаш нафари дигар маҷрӯҳ шуданд.

Вай афзуд, ки задухӯрд миёни неруҳои амниятӣ ва «Толибон» то бомдоди рӯзи дигар идома ёфт ва ҷангҷӯён низ талафот диданд, аммо шумораи дақиқи онҳо ҳоло дастрас нашудааст.

Холиқдод Акбарӣ, узви шӯрои вилоятии Ғазнӣ, низ гуфт, ки дар даргириҳои ахир дар канори шаҳри Ғазнӣ ду нафар кушта ва панҷ тани дигар захмӣ шуданд.

Вай афзуд: «Ҳар шаб деҳоти Орзу шоҳиди ҷанг, низоъ ва хунрезӣ ҳастанд, умедворем, ки ин ҷангҳо дар моҳи Рамазон қатъ мешаванд».

Як қатор вакилони Маҷлиси намояндагон афзоиши хушунатҳоро дар баъзе қисматҳои кишвар нигаронкунанда медонанд ва мегӯянд, ки ҳолати дифоии ниҳодҳои амнияти сабаб шудааст то доманаи ҷанг то ба марказҳое баъзе вилоятҳо бирасад.

Дар ҳамин ҳол, Комиссияи мустақили ҳуқуқи башар дар як хабарнома мегӯяд, ки танҳо дар давраи  аз 21 март то ба ҳол 39 нафар афроди ғайринизомӣ дар ҷанг ва хушунатҳо ҷон бохтаанд ва 40 нафари дигар маҷрӯҳ шудаанд.

Забеҳуллоҳ Фарҳанг, сухангӯи Комиссияи мустақили ҳуқуқи башар, гуфт: «Тарафҳои ҷанг набояд аз ин бештар сабаби қатл ва куштори мардуми Афғонистон шаванд. «Ҷанг омили поймол шудани ҳамаи ҳуқуқҳои шаҳрвандон аст».

«Неруҳои ҳукуматӣ бояд ҳамлаҳои худро суръат бахшанд, то битавонанд «Толибон» -ро зудтар шикаст бидиҳанд», — гуфт Шафиқа Сахо Юлчӣ, узви Маҷлиси намояндагон.

Аммо Рӯҳуллоҳ Аҳмадзай, сухангӯи вазорати дифоъ афзоиши ҳамлаҳои «Толибон» -ро дар баъзе манотиқи кишвар ба оғози амалиёти баҳории ин гурӯҳ вобаста медонад, ҳарчанд «Толибон» дар ин бора изҳори назар накардаанд.

«Идомаи хушунати «Толибон» имрӯз алайҳи мардуми Афғонистон нисбат ба ҷанги солҳои қабл эълонкардаи ин гурӯҳ хеле бадтар ва марговартар аст», — афзуд ӯ.

Апрель 20, 2021 09:09

Хабарҳои дигари ин бахш

Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт