Шабонарӯзи охир дар ҷаҳон зиёда аз 588 ҳазор ҳолати сирояти коронавирус ошкор гардид

ДУШАНБЕ, 13.04.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 588 ҳазор афзоиш ёфта, аз 137,26 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 09:00 (ба вақти Душанбе)-и 13 апрел, ба СУТ дар бораи 137 265 460 сироятшуда ва 2 958 863 фавт маълумот расидааст. Шумораи гирифторони ин беморӣ шабонарӯзи охир 588 271 нафар ва фавтидагон 8 761 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 31 990 143. Баъд аз он Ҳиндустон (13 689 453), Бразилия (13 521 409), Франсия (5 067 216), Россия (4 649 710), Британияи Кабир (4 373 343), Туркия (3 903 573), Италия (3 779 594), Испания (3 370 256), Германия (3 021,064), Полша (25 86,647) ва Колумбия (2 552 937) қарор доранд.

Акс аз манбаъҳои боз