Шабонарӯзи охир дар ҷаҳон зиёда аз 735 ҳазор ҳолати сирояти коронавирус ошкор гардид

ДУШАНБЕ, 14.04.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 735 ҳазор афзоиш ёфта, аз 138,02 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 09:00 (ба вақти Душанбе)-и 14 апрел, ба СУТ дар бораи 138 024 148 сироятшуда ва 2 972 039 фавт маълумот расидааст. Шумораи гирифторони ин беморӣ шабонарӯзи охир 735 486 нафар ва фавтидагон 12 848 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 32 070 784. Баъд аз он Ҳиндустон (13 873 825), Бразилия (13 601 566), Франсия (5 106 329), Россия (4 657 883), Британияи Кабир (4 375 814), Туркия (3 962 760), Италия (3 793 033), Испания (3 376 548), Германия (3 031 836), Полша (2 599 850) ва Аргентина (2 579 000) қарор доранд.

АКС аз бойгонӣ