Шабонарӯзи охир дар ҷаҳон зиёда аз 804 ҳазор ҳолати сирояти коронавирус ошкор гардид

ДУШАНБЕ, 15.04.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 804 ҳазор афзоиш ёфта, аз 138,84 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 10:00 (ба вақти Душанбе)-и 15 апрел, ба СУТ дар бораи 138 848 757 сироятшуда ва 2 985 682 фавт маълумот расидааст. Шумораи гирифторони ин беморӣ шабонарӯзи охир 804 316 нафар ва фавтидагон 13 532 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 32 149 223. Баъд аз он Ҳиндустон (14 074 564), Бразилия (13 677 564), Франсия (5 149 834), Россия (4 666 209), Британияи Кабир (4 378 305), Туркия (4 025 557), Италия (3 809 193), Испания (3 387 022), Германия (3 064 382), Полша (2 621 116) ва Аргентина (2 604 157) қарор доранд.

АКС аз ТАСС