Шабонарӯзи охир дар ҷаҳон зиёда аз 825 ҳазор ҳолати сирояти коронавирус ошкор шуд

ДУШАНБЕ, 21.04.2021 /АМИТ «Ховар»/. Шабонарӯзи охир шумораи ҳолатҳои тасдиқшудаи сирояти коронавируси нав дар ҷаҳон беш аз 825 ҳазор афзоиш ёфта, аз 143,56 миллион гузашт, хабар медиҳад АМИТ «Ховар» бо истинод ба маълумоти имрӯзаи Созмони умумиҷаҳонии тандурустӣ (СУТ).

Ба ҳолати соати 10:00 (ба вақти Душанбе)-и 21 апрел, ба СУТ дар бораи 143 564 941 сироятшуда ва 3 057 792 фавт маълумот расидааст. Шумораи гирифторони ин беморӣ шабонарӯзи охир 825 088 нафар ва фавтидагон 13 914 нафар афзудааст.

Шумораи зиёди ҳолатҳои тасдиқшудаи сироят дар ИМА ба қайд гирифта шудаанд — 32 536 470. Баъд аз он Ҳиндустон (15 616 130), Бразилия (14 050 885), Франсия (5 339 920), Россия (4 718 854), Британияи Кабир (4 393 307), Туркия (4 384 624), Италия (3 891 063), Испания (3 435 840), Германия (3 180 810), Аргентина (2 743 620) ва Полша (2 704 571) қарор доранд.

Акс аз манбаъҳои боз