СУТ: иртибот байни ваксинаҳои AstraZeneca ва тромбоз имконпазир аст, аммо пайдошавии тромбҳо — рӯйдоди бениҳоят нодир

Апрель 8, 2021 11:35

ДУШАНБЕ, 08.04.2021 /АМИТ «Ховар»/. Иртибот байни эмгузаронӣ бо доруи AstraZeneca ва пайдошавии тромбҳо (лахтбандии хун дар рагҳо) имконпазир аст, аммо ҳанӯз тасдиқ нашудааст. Тавре ки АМИТ «Ховар» бо истинод ба Хадамоти ахбори СММ иттилоъ медиҳад, мутахассисони Кумитаи ҷаҳонии машваратии СУТ оид ба бехатарии ваксинаҳо маълумоти охирини Агентии дорувориҳои Аврупо ва Идораи бритониёии назорати муомилоти дорувориҳоро омӯхта, ба чунин хулоса омадаанд.

Мутахассисони СУТ таъкид мекунанд, ки пайдоиши тромбҳо пас аз эмгузаронӣ, албатта, мояи нигаронӣ аст, аммо ин рӯйдоди бениҳоят нодир аст. Сухан дар бораи даҳҳо рӯйдод аз ҳар 200 миллион нафар эмшудагон меравад. Дар айни ҳол коршиносон хотиррасон мекунанд, ки бар асари бемории COVID-19 2,6 миллион нафар фавтидаанд.

«Таъсири оризаи манфии нодир пас аз эмкунӣ бояд бо дарназардошти хатари ҳалокат аз COVID-19 ва иқтидори ваксинаҳо ҷиҳати пешгирии уфунат ва коҳиши маргумир арзёбӣ карда шаванд», — омадааст дар изҳороти расмӣ дар ҷамъбасти ҷаласаи Кумитаи умумиҷаҳонии машваратии СУТ оид ба бехатарии ваксина.

Барои пурра фаҳмидани иртиботи имконпазир байни эмгузаронӣ ва омилҳои эҳтимолии хатар таҳқиқоти махсусгардонидашуда лозим аст.

Коршиносон мегӯянд, ки онҳо кори ҷамъоварии маълумотро дар бораи эмгузаронӣ бо доруи AstraZeneca идома медиҳанд. «Барои пурра фаҳмидани иртиботи имконпазир байни эмгузаронӣ ва омилҳои эҳтимолии хатар таҳқиқоти махсусгардонидашуда лозим аст», — таъкид мекунад СУТ.

Тавре мутахассисон хотиррасон мекунанд, оризаи иловагӣ пас аз эмкунӣ бо ваксинаҳои зидди коронавирус рӯйдоди нисбатан маъмул аст. Аксари онҳо барои ашхоси эмшуда нороҳатии ҷиддӣ ба бор намеоранд ва ба саломатии онҳо таҳдид намекунанд.

Аммо, онҳое, ки пас аз эмгузаронӣ аломатҳои ҷиддӣ, аз қабили дарди қафаси сина, мушкилоти нафаскашӣ, варам кардани пойҳо, дард дар қисмати поёни шикам, инчунин нишонаҳои неврологӣ, ба шумули дарди сар ва халалёбии биноӣ эҳсос мекунанд, бояд фавран барои дарёфти ёрии тиббӣ муроҷиат кунанд.

ДАР АКС: коршиносон ҷамъоварии маълумотро оид ба эмгузаронӣ бо доруи AstraZeneca идома медиҳанд. Акси СУТ

Апрель 8, 2021 11:35

Хабарҳои дигари ин бахш

Бар асари таркиш дар Нангарҳори Афғонистон ду нафар ҳалок ва 18 тани дигар маҷрӯҳ шуданд
Неруҳои амниятии Афғонистон чанде аз рустоҳои вулусволии Нусайи вилояти Бадахшонро аз «Толибон» бозпас гирифтанд
Шаш корманди полис ва низомиёни амнияти миллӣ дар вилояти Ҳироти Афғонистон кушта шуданд
Раиси Шӯрои уламои вилояти Тахори Афғонистон дар натиҷаи таркиш кушта шуд
Неруҳои Амрико мавзеъҳои «Толибон»-ро дар Қандаҳори Афғонистон бомбаборон карданд
Ашхоси мусаллаҳи ношинос собиқ роҳбари вулусволии Чархи Лӯгарро дар Кобул террор карданд
Автомашинаи устодони Донишгоҳи Бағлони Афғонистон ҳадафи ҳамлаи ҷангҷӯён қарор гирифт
Таркиши навбатӣ дар Кобул боиси маҷрӯҳ шудани 15 нафар гардид
СУТ аз ҳолати даст кашидани чанд мамлакати Иттиҳоди Аврупо аз ваксинаи AstraZeneca ба ташвиш омадааст
ЯК РӮЗ ДАР ТАЪРИХ: 76 сол пеш Неруҳои ҳарбӣ-ҳавоии ИМА пойтахти Японияро бомбаборон карданд
Иҷрокунандаи вазифаи сардори полиси яке аз ноҳияҳои вилояти Ғазнии Афғонистон кушта шуд
Гузоришгари махсуси СММ: Дар Эрон ҳазорон духтарони аз 10 то 14-соларо ба шавҳар медиҳанд

Маводҳои таҳлилӣ