Ҷамолиддин Абдуллозода аз муассисаҳои тандурустии минтақаи Кӯлоб дидан намуд
ДУШАНБЕ, 06.05.2021 /АМИТ «Ховар»/. 5 май Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ба минтақаи Кӯлоб сафар намуда, бо фаъолияти якчанд муассисаҳои тандурустӣ ва ҳифзи иҷтимоии аҳолӣ шинос шуд.
Дар ҷараёни сафари корӣ Ҷамолиддин Абдуллозода аз Беморхонаи марказии шаҳри Кӯлоб дидан намуда, бо ҷараёни фаъолияти шуъбаҳои он шинос гардид.
Аз ҷумла, мавсуф аз шуъбаи сироятии беморхонаи мазкур ва якчанд адад таҷҳизоти тиббие, ки аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон харидорӣ ва дастрас гардида буд, дидан намуда, барои истифодаи самараноки онҳо дар самти ташхис ва табобати аҳолӣ ба масъулин дастуру супоришҳои мушаххас дод.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон баъдан ба ноҳияи Восеъ сафар намуда, бо фаъолияти Беморхонаи касалиҳои рӯҳӣ, Беморхонаи бемориҳои сил ва Беморхонаи марказии ноҳияи мазкур шинос шуда, бо беморон суҳбати озод анҷом дод.
Аснои мулоқот бо беморон Ҷамолиддин Абдуллозода иброз дошт, ки имрӯзҳо соҳаи тандурустӣ ва ҳифзи иҷтимоии аҳолӣ дар меҳвари сиёсати давлат ва Ҳукумати мамлакат қарор дошта, баҳри рушду пешрафти соҳа пайваста тадбирҳои муҳиму саривақтӣ амалӣ карда мешаванд.
Вазири тандурустӣ аз ҷараёни корҳои сохтмонии якчанд иншооти тандурустӣ низ дидан намуд.
Бо мақсади сазовор истиқбол гирифтани ҷашни 30-солагии Истиқлоли давлатии Ҷумҳурии Тоҷикистон ҳоло дар тамоми гӯшаву канори мамлакат корҳои таъмирию тармимӣ ва бунёду навсозии муассисаҳои тандурустӣ бомаром идома доранд.
Акс аз сомонаи Вазорати тандурустӣ ва ҳифзи иҷтимоии аҳолии ҶТ
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
Қонун «Дар бораи танзими ҷашну маросим дар Ҷумҳурии Тоҷикистон» — тадбири намунавӣ дар байни мардумони кишварҳои Осиёи Марказӣ
Тоҷикистонро моҳи аввали фасли тобистон чӣ гуна ҳаво интизор аст?
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
Таҳкими ҳамкорӣ дар самти рушди ғизои мактабӣ бо намояндагони Барномаи озуқавории ҷаҳонии СММ баррасӣ гардид
