«Амонатбонк»: Фаъолияти филиалҳо ва марказҳои хизматрасонии бонкии минтақаи Бохтар баррасӣ шуд

Май 27, 2021 16:12

ДУШАНБЕ, 27.05.2021 /АМИТ «Ховар»/. Фаъолияти филиалҳо ва марказҳои хизматрасонии бонкии минтақаи Бохтар дар 4 моҳи аввали  соли равон дар ҷаласаи корӣ, ки бо иштироки Раиси Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ ва кормандони филиалҳо ва марказҳои хизматрасонии бонкии  «Амонатбонк» дар минтақаи Бохтар доир шуд, натиҷагирӣ  гардид.

Ба АМИТ «Ховар» аз БДА  «Амонатбонк» иттилоъ доданд, ки дар ҷаласа сардори Идораи танзим ва назорати марказҳои хизматрасонии бонкӣ Ҷӯрабек Ҳақназарзода оид ба фаъолияти марказҳои хизматрасонии бонкӣ ва филиалҳо дар минтақаи Бохтар дар соли равон гузориш дод.

Зикр шуд, ки дар минтақаи Бохтар 15 филиал ва 100 маркази  хизматрасонии бонкӣ ҳамарӯза ба аҳолии ин минтақа хизмати гуногуни бонкӣ мерасонанд. Дар марказҳои хизматрасонии бонкӣ амалиёти гуногуни бонкӣ, аз қабили  интиқоли пули шахсони воқеӣ бе кушодани суратҳисоб, хизматрасонии машваратӣ оид ба ҳама гуна амалиёти бонкӣ, амалиёти хазинавӣ, пардохти маблағҳои нафақа ва кумакпулиҳо, қабул ва иваз намудани пулҳои фарсуда, қабули маблағҳои коммуналӣ ва дигар намуди пардохтҳо аз аҳолӣ гузаронида мешаванд.

Кормандони марказҳои хизматрасонии бонкӣ пайваста ба тренинг ва курсҳои омӯзишӣ ҷалб гардида, баҳри баланд бардоштани савияи дониши худ саъю талош меварзанд. Дар ҷаласа натиҷаи нишондиҳандаҳои марказҳои хизматрасонии бонкӣ дар монитор пешкаши кормандон гардида, барои бартараф намудани камбудиҳо пешниҳодҳои сардорони идора ва кормандон шунида шуд.

Аз ҷониби роҳбарияти бонк оид ба баланд бардоштани сатҳу сифати хизматрасонӣ, риояи қатъии қоидаҳои одобу муошират бо мизоҷон ва эҳсоси баланди масъулиятшиносии кормандон дастуру супоришҳои мушаххас дода шуд.

 Аксҳо аз БДА ҶТ «Амонатбонк»

Май 27, 2021 16:12

Хабарҳои дигари ин бахш

ҚУРБИ АСЪОР: дар Тоҷикистон 1 евро аз 11.1532 то 11.2000 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1198 то 0.1220 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.6047 то 9.6500 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0.1189 то 0.1210 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.5549 то 9.6500 сомонӣ муқаррар шудааст
Масоили марбут ба ташаккули омори соҳаи технологияҳои иттилоотию коммуникатсионӣ баррасӣ гардид
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
ҚУРБИ АСЪОР: дар Тоҷикистон 1 рубли русӣ аз 0.1171 то 0.1195 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 9.3681 то 9.4300 сомонӣ муқаррар шудааст
Дар Душанбе масъалаҳои омодагӣ ва баргузории ҷаласаи 67-уми Шурои электроэнергетикии ИДМ муҳокима гардид
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
ҚУРБИ АСЪОР: дар Тоҷикистон 1 евро аз 10.9278 то 11.1000 сомонӣ муқаррар шудааст