Дабири кулли СММ дар бораи афзоиши рекордии ҳарорати Замин дар тӯли 3 миллион сол изҳори назар кард

Май 7, 2021 13:48

ДУШАНБЕ, 07.05.2021 /АМИТ «Ховар»/. Ҳарорати Замин соли 2020 дар тӯли 3 миллион сол ба сатҳи рекордӣ расид, уҳдадориҳои ҷории кишварҳо оид ба коҳиши партовҳои газҳои гулхонаӣ нокифоя мебошанд. Тавре ки АМИТ «Ховар» бо истинод ба хадамоти матбуоти СММ хабар медиҳад, дар ин бора дирӯз, 6 май, Дабири кулли ин созмон Антонио Гутерреш зимни конфронси байналмилалии «Муколамаи иқлимии Питерсберг» изҳор кард.

Ба гуфтаи ӯ, соли 2020 таҷаммуъи гази карбон то ҳадди нави зиёдтарин — 148% баландтар аз сатҳи қабл аз давраи саноатикунонӣ боло рафт.

«Ин сатҳи аз ҳама баландтарин дар тӯли 3 миллион сол аст ва он замон ҳарорати Замин 3 дараҷа зиёдтар ва сатҳи оби баҳр — тахминан 15 метр баландтар буд», — иқтибос овардааст хадамоти матбуоти СММ  суханони Гутеррешро.

«Соли гузашта боз як давраи бесобиқаи офатҳои фавқулода ва харобиовари обу ҳаво ва иқлим буд. Таҷаммуъи диоксиди карбон дубора то сатҳи зиёдтарин — 148% аз сатҳи қабл аз саноатикунонӣ боло рафт. Ин сатҳи аз ҳама баландтарин дар тӯли 3 миллион сол аст. Он замон ҳарорати Замин 3 дараҷа зиёдтар ва сатҳи баҳр тақрибан 15 метр баландтар буд», — гуфт Гутерреш.

Гутерреш шарҳ дод, ки соли 2020 ҳарорати сайёра нисбат ба давраи пеш аз саноатикунонӣ 1,2 дараҷа аз рӯи Селсия зиёдтар буд. «Ин то 1,5 дараҷаи ҳудуди ниҳоӣ, ки ҷомеаи илмӣ муқаррар кардааст, ба таври хатарнок наздик мебошад. Мо ҳанӯз ҳам ба сӯи афзоиши фоҷеабори ҳарорат то 2,4 дараҷа то охири аср ҳаракат мекунем. Мо воқеан дар лаби ҷарӣ қарор дорем», гуфт ӯ.

«Аммо агар мо якҷоя кор кунем, метавонем пайомадҳои бадтарини бесуботии иқлимро пешгирӣ кунем ва барқароршавии пас аз пандемияро барои ба роҳи тозатар ва сабзтари рушд баромадан истифода кунем», — чунин назар дорад Гутерреш.

 

АКС: РИА «Новости»

Май 7, 2021 13:48

Хабарҳои дигари ин бахш

Палатаи поёнии парлумони Беларус дар ҳайати пурра интихоб гардид
Қатар барои шаҳрвандони Тоҷикистон раводидро бекор намуд
Прабово Субианто дар интихоботи президенти Индонезия пирӯз гардид
Директори генералии Созмони ҷаҳонии тандурустӣ Тедрос Аданом Гебрейесус изҳор намуд, ки ҷаҳон ба пандемияи нав омода нест
Александр Стубб дар интихоботи президентии Финландия пирӯз шуд
Дар интихоботи президентии Озарбойҷон Илҳом Алиев бо гирифтани 92,05% овози интихобкунандагон пешсаф мебошад
Теъдоди ҳалокшудагон бар асари сӯхтори ҷангал дар Чили ба 131 нафар расид
Имрӯз дар Озарбойҷон интихоботи ғайринавбатии президентӣ баргузор мешавад
Олжас Бектенов сарвазири нави Қазоқистон таъйин шуд
Дар Озарбойҷон пеш аз баргузории интихоботи президентӣ рӯзи хомӯшӣ эълон гардидааст
Бо сабаби барфи зиёд дар минтақаи Токио 1,8 ҳазор манзил бе барқ мемонанд
ТУРКИЯ ФАЛОКАТИ АСРРО БА ҲАМРАЪЙИИ АСР ТАБДИЛ ДОД. Имрӯз аз заминларзаи шадиди Туркия як сол сипарӣ гардид